അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.റിയാദ്: സൗദി അറേബ്യയിൽ കെട്ടിടത്തിന് മുകളിൽ കയറി നിന്ന് ആത്മഹത്യാ ഭീഷണി മുഴക്കിയ യുവതിയെ അനുനയിപ്പിച്ച് താഴെയിറക്കി. കഴിഞ്ഞ ദിവസം രാവിലെ തബൂക്ക് നഗരത്തിലായിരുന്നു സംഭവം. ഒരു വിദേശ യുവതിയാണ് തബൂക്കിലെ ബഹുനില കെട്ടിടത്തിന് മുകളിൽ കയറി നിന്ന് ഭീഷണി മുഴക്കിയത്.
കെട്ടിടത്തിന്റെ ടെറസിൽ കയറി നിന്ന യുവതി താഴേക്ക് ചാടുമെന്ന് ഭീഷണി മുഴക്കുകയായിരുന്നു. പ്രദേശവാസികളാണ് സുരക്ഷാ ഉദ്യോഗസ്ഥരെയും സിവിൽ ഡിഫൻസിനെയും വിവരമറിയിച്ചത്. ഉദ്യോഗസ്ഥർ സ്ഥലത്തെത്തി യുവതിയുടെ ജീവൻ രക്ഷിക്കാൻ ആവശ്യമായ മുൻകരുതലുകൾ സ്വീകരിച്ചു. തുടർന്ന് സുരക്ഷാ വിഭാഗങ്ങൾ നടത്തിയ ശ്രമങ്ങളിലൂടെ യുവതി ആത്മഹത്യാ ശ്രമത്തിൽ നിന്ന് പിന്തിരിയുകയായിരുന്നു. പിന്നീട് ഇവരെ സുരക്ഷാ വകുപ്പുകൾ കസ്റ്റഡിയിലെടുത്തു.
