എഎഫ്‌സി കപ്പ്: മോഹൻ ബഗാനെ തകർത്ത് ഗോകുലം കേരള എഫ്സിക്ക് ജയം

കോ​ൽ​ക്ക​ത്ത: എഎഫ്സി കപ്പിൽ കരുത്തരായ എ ടി കെ മോഹൻ ബഗാനെതിരെ ഗോകുലം കേരള എഫ് സിക്ക് തകർപ്പൻ ജയം. രണ്ടിനെതിരെ നാല് ഗോളുകൾക്കാണ് ഗോകുലം കേരള കെ മോഹൻ ബഗാനെ തകർത്തത്. ഗോകുലത്തിനായി ലൂക്ക മാൻസണ് ഇരട്ടഗോൾ നേടി. റിഷാദ് പി പിയും ജിതിൻ എം എസും ഓരോ ഗോളും നേടി.

പ്രീ​തം കോ​ട്ടാ​ൽ, ലി​സ്റ്റ​ൺ കോ​ളാ​സോ എ​ന്നി​വ​രാ​ണ് എ​ടി​കെ​യു​ടെ ഗോ​ളു​ക​ൾ നേ​ടി​യ​ത്.

ഗോ​ൾ ര​ഹി​ത​മാ​യ ആ​ദ്യ പ​കു​തി​ക്കു ശേ​ഷ​മാ​യി​രു​ന്നു ആ​റു ഗോ​ളു​ക​ളും പി​റ​ന്ന​ത്. ലൂ​ക്ക‍​യി​ലൂ​ടെ ഗോ​കു​ലം ആ​ദ്യം ലീ​ഡ് എ​ടു​ത്തു. മൂ​ന്നു മി​നി​റ്റി​നു​ള്ളി​ൽ പ്രീ​തം കോ​ട്ടാ​ലി​ലൂ​ടെ എ​ടി​കെ തി​രി​ച്ച​ടി​ച്ചു. എ​ന്നാ​ൽ റി​ഷാ​ദ് വീ​ണ്ടും ലീ​ഡ് തി​രി​കെ പി​ടി​ച്ചു.

ക​ളി​യു​ടെ 65 ാം മി​നി​റ്റി​ൽ ലൂ​ക്ക ഗോ​കു​ല​ത്തി​ന്‍റെ ലീ​ഡ് വ​ർ​ധി​പ്പി​ച്ചു. എ​ന്നാ​ൽ 80 ാം മി​നി​റ്റി​ൽ ലി​സ്റ്റ​ൺ ഒ​രു ഗോ​ൾ തി​രി​ച്ച​ടി​ച്ച് എ​ടി​കെ​യു​ടെ പ്ര​തീ​ക്ഷ കൂ​ട്ടി. ക​ളി തീ​രാ​ൻ നി​മി​ഷ​ങ്ങ​ൾ മാ​ത്രം ബാ​ക്കി​നി​ൽ​ക്കെ ജി​തി​ൻ‌ എ​ടി​കെ വ​ല‍​യി​ൽ പ​ന്തെ​ത്തി​ച്ച് ക​ളി സീ​ൽ ചെ​യ്തു.

ഐ ലീഗ് കിരീടം സ്വന്തമാക്കിയ ഗോകുലം കേരള മികച്ച ഫോമിലാണ്. മത്സരം ശക്തരോടാണെങ്കിലും എല്ലാ നിലക്കും ഗോകുലം കേരള ഒരുങ്ങിയിട്ടുണ്ടെന്ന് മത്സരത്തിന് മുമ്പ് പരിശീലകന്‍ അന്നീസെ വ്യക്തമാക്കിയിരുന്നു.

 മെയ് 21ന് മസിയക്കെതിരെയാണ് ഗോകുലത്തിന്‍റെ അടുത്ത മത്സരം.