അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ലഖ്‌നൗ: കോമണ്‍വെല്‍ത്ത് ട്രയല്‍സിനിടെ റഫറിയെ മര്‍ദിച്ച സംഭവത്തില്‍ ഇന്ത്യന്‍ ഗുസ്തി താരം സതേന്ദര്‍ മാലിക്കിന് ആജീവനാന്ത വിലക്കേര്‍പ്പെടുത്തി റെസ്‌ലിങ് ഫെഡറേഷന്‍ ഓഫ് ഇന്ത്യ.
ലഖ്‌നൗവില്‍ ചൊവ്വാഴ്ച നടന്ന കോമണ്‍വെല്‍ത്ത് ഗെയിംസ് ട്രയല്‍സിനിടെയായിരുന്നു സംഭവം. 125 കിലോഗ്രാം ഫ്രീസ്റ്റൈല്‍ വിഭാഗത്തിലായിരുന്നു സതേന്ദര്‍ മത്സരിച്ചിരുന്നത്. ഉച്ചയ്ക്ക് ശേഷമുള്ള സെഷനില്‍ മോഹിത് എന്ന താരവുമായുള്ള മത്സരത്തില്‍ തോറ്റതിനു പിന്നാലെയാണ് സതേന്ദര്‍ റഫറിയെ ഇടിച്ചത്.
ഈ സമയം റെസ്‌ലിങ് ഫെഡറേഷന്‍ ഓഫ് ഇന്ത്യ പ്രസിഡന്റ് ബ്രിജ് ഭൂഷണ്‍ വേദിയിലുണ്ടായിരുന്നു. ഉടന്‍ തന്നെ താരത്തിന് ആജീവനാന്ത വിലക്കേര്‍പ്പെടുത്താന്‍ ബ്രിജ് ഭൂഷണ്‍ നിര്‍ദേശം നല്‍കുകയായിരുന്നു.
