അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദക്ഷിണാഫ്രിക്കക്കെതിരെ നടക്കുന്ന ടി-20 പരമ്പരയിൽ ഇന്ത്യൻ ടീമിനെ ശിഖർ ധവാൻ നയിച്ചേക്കുമെന്ന് റിപ്പോർട്ട്.മലയാളി താരം സഞ്ജു സാംസൺ ഉൾപ്പെടെ ഐപിഎലിൽ മികവുകാട്ടിയ താരങ്ങൾക്ക് പരമ്പരയിൽ അവസരം നൽകുമെന്നാണ് റിപ്പോർട്ട് ചെയ്യുന്നു. രോഹിത് ശർമ്മ, വിരാട് കോലി, ജസ്പ്രീത് ബുംറ തുടങ്ങിയ മുതിർന്ന താരങ്ങൾ കാണില്ല എന്നാണ് സൂചന.ജൂൺ 9 മുതൽ 19 വരെയാണ് അഞ്ച് മത്സരങ്ങളടങ്ങിയ പരമ്പര.
ഹാർദ്ദിക് പാണ്ഡ്യ, ദിനേശ് കാർത്തിക്, ഭുവനേശ്വർ കുമാർ, പ്രസിദ്ധ് കൃഷ്ണ, ഋതുരാജ് ഗെയ്ക്‌വാദ്, ദീപക് ഹൂഡ തുടങ്ങിയ താരങ്ങളും ടീമിൽ ഉണ്ടാകും.മുംബൈ ഇന്ത്യൻസിൻ്റെ യുവ ബാറ്റർ തിലക് വർമ്മ, സൺറൈസേഴ്സിൻ്റെ എക്സ്പ്രസ് പേസർ ഉമ്രാൻ മാലിക്ക്, പഞ്ചാബ് കിംഗ്സിൻ്റെ സ്റ്റാർ പേസർ അർഷ്ദീപ് സിംഗ് എന്നിവരൊക്കെ ടീമിൽ ഇടം നേടിയേക്കുമെന്നാണ് സൂചന.
ഈ പരമ്പരയ്ക്ക് ശേഷം ഇന്ത്യ യുകെയിലേക്ക് പോകും. യുകെയിൽ അയർലൻഡ്, ഇംഗ്ലണ്ട് ടീമുകൾക്കെതിരെ ഇന്ത്യക്ക് മത്സരങ്ങളുണ്ട്. ഇംഗ്ലണ്ട് പരമ്പരയ്ക്ക് മുന്നോടിയായി മുതിർന്ന താരങ്ങൾക്ക് വിശ്രമം അനുവദിക്കുകയാണ് ബിസിസിഐയുടെ ലക്ഷ്യം. അയർലൻഡിനെതിരായ ടി-20 മത്സരത്തിലും ഇന്ത്യ യുവതാരങ്ങളെ അണിനിരത്തും.ആദ്യ ടി-20 ഡൽഹി അരുൺ ജെയ്റ്റ്‌ലി സ്റ്റേഡിയത്തിലാണ് നടക്കുക. യഥാക്രമം കട്ടക്ക്, വിശാഖപട്ടണം, രാജ്കോട്ട്, ബെംഗളൂരു എന്നിവിടങ്ങളിൽ ജൂൺ 9, 12, 14, 17, 19 തീയതികളിലാണ് മത്സരങ്ങൾ.
