തോ​മ​സ് ക​പ്പി​ൽ ച​രി​ത്രം കു​റി​ച്ച് ഇ​ന്ത്യ; എ​ച്ച്.​എ​സ് പ്ര​ണോ​യി ഫൈനലില്‍

ബാ​ങ്കോ​ക്ക്: തോ​മ​സ് ക​പ്പ് ബാ​ഡ്മി​ന്‍റ​ണ്‍ ടൂ​ർ​ണ​മെ​ന്‍റി​ൽ ച​രി​ത്രം​കു​റി​ച്ച് ഇ​ന്ത്യ ഫൈ​ന​ലി​ൽ. ഡെ​ന്മാ​ർ​ക്കി​നെ 3-2ന് ​പ​രാ​ജ​യ​പ്പെ​ടു​ത്തി​യാ​ണ് ഇ​ന്ത്യ ക​ന്നി ക​ലാ​ശ​പ്പോ​രി​നു യോ​ഗ്യ​ത നേ​ടി​യ​ത്. എ​ച്ച്.​എ​സ്. പ്ര​ണോ​യി​യാ​ണ് ഇ​ന്ത്യ​യു​ടെ ച​രി​ത്ര​വി​ജ​യ​മു​റ​പ്പി​ച്ച​ത്.

ഡെന്‍മാര്‍ക്കിനെ 3-2ന് തോല്‍പ്പിച്ചാണ് ഇന്ത്യ ഫൈനലിലെത്തുന്നത്. നി​ർ​ണാ​യ​ക​മാ​യ അ​വ​സാ​ന മ​ത്സ​ര​ത്തി​ൽ പ്ര​ണോ​യ് റാ​സ്മു​സ് ജെം​കെ​യെ പ​രാ​ജ​യ​പ്പെ​ടു​ത്തി. ആ​ദ്യം ഗെ​യിം ന​ഷ്ട​പ്പെ​ടു​ത്തി​യ​ശേ​ഷം തി​രി​ച്ച​ടി​ച്ചാ​യി​രു​ന്നു പ്ര​ണോ​യി​യു​ടെ വി​ജ​യം. സ​കോ​ർ: 13-21, 21-9, 21-12.

ആദ്യ മത്സരത്തില്‍ ലക്ഷ്യ സെന്‍, വിക്റ്റര്‍ അക്‌സല്‍സെനിനോട് തോറ്റു (13-21, 13-21).

എന്നാല്‍ ഡബിള്‍സില്‍ ചിരാഗ്- റാങ്കിറെഡ്ഡി എന്നിവര്‍ ജയിച്ചതോടെ മത്സരം 1-1 ആയി. അടുത്ത സിംഗിള്‍സ് കിഡാംബി ശ്രീകാന്ത് സ്വന്തമാക്കി. ആന്‍ഡേഴ്‌സ് അന്റോണ്‍സനെ 21-18, 12-21, 21-15നാണ് തോല്‍പ്പിച്ചത്. എന്നാല്‍ രണ്ടാം ഡബിള്‍സില്‍ കപില- അര്‍ജുന്‍ സഖ്യം തോറ്റു. നിര്‍ണായകമായ അഞ്ചാം സെറ്റ് പ്രണോയ് ജയിച്ചതോടെ ഇന്ത്യ ഫൈനലില്‍.  

2014ലും 2016ലും യൂബര്‍ കപ്പില്‍ ഇന്ത്യന്‍ വനിതാ ടീം വെങ്കലം നേടിയതാണ് ടീം ഇനത്തില്‍ ഇന്ത്യയുടെ ഇതുവരെയുള്ള മികച്ച നേട്ടം. യൂബര്‍ കപ്പില്‍ പി വി സിന്ധുവിന്റെ നേതൃത്വത്തിലുള്ള ഇന്ത്യയുടെ വനിതാ ടീം 0-3ന് തോറ്റ് പുറത്തായതിന് തൊട്ടുപിന്നാലെയാണ് പുരുഷ വിഭാഗത്തില്‍ തോമസ് കപ്പില്‍ ടീം ഇനത്തില്‍ ഇന്ത്യയുടെ ചരിത്രനേട്ടം.