അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സന്തോഷ് ട്രോഫി ജേതാക്കളായ കേരള ടീമിന് അഞ്ചുലക്ഷം രൂപ വീതം പാരിതോഷികം നൽകാൻ സംസ്ഥാനമന്ത്രിസഭായോഗത്തിൽ തീരുമാനം. 20 കളിക്കാര്‍ക്കും പരിശീലകനും അഞ്ചു ലക്ഷം രൂപ വീതം പാരിതോഷികം നല്‍കും. സഹപരിശീലകര്‍ക്കും ഫിസിയോക്കും മൂന്നു ലക്ഷം രൂപ വീതം നല്‍കാനും തീരുമാനിച്ചു. സന്തോഷ് ട്രോഫിയില്‍ പശ്ചിമബംഗാളിനെ ഷൂട്ടൗട്ടില്‍ പരാജയപ്പെടുത്തിയാണ് കേരളം ജേതാക്കളായത്.
മുഖ്യമന്ത്രി അമേരിക്കയില്‍ ചികിത്സയിലായിരുന്നതിനാല്‍, കഴിഞ്ഞ തവണ ഓണ്‍ലൈനായി ചേര്‍ന്ന ക്യാബിനറ്റ് യോഗത്തില്‍ പാരിതോഷികം നല്‍കുന്നത് സംബന്ധിച്ചുള്ള തീരുമാനം പരിഗണിച്ചിരുന്നില്ല. മുഖ്യമന്ത്രി അമേരിക്കയില്‍ നിന്നും ചികിത്സ കഴിഞ്ഞ് തിരിച്ചെത്തിയ ശേഷം ജേതാക്കള്‍ക്ക് പാരിതോഷികം പ്രഖ്യാപിക്കുമെന്ന് കായികമന്ത്രി വി അബ്ദുറഹ്മാന്‍ അറിയിച്ചിരുന്നു.
