അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മസ്കത്ത്: വടക്ക് പടിഞ്ഞാറൻ കാറ്റ് വീശുന്നതിനാൽ വിവിധ ഗവർണറേറ്റുകളിലെ തീരപ്രദേശങ്ങളിലും മരുഭൂമികളിലും ഇന്ന് മുതൽ വെള്ളിയാഴ്ചവരെ താപനില ഉയർന്നേക്കുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. പലയിടത്തും താപനില 50 ഡിഗ്രി സെൽഷ്യസിൽ എത്താൻ സാധ്യതയുണ്ട്.
ദോഫാർ, അൽ വുസ്ത, തെക്കൻ ശർഖിയ ഗവർണറേറ്റുകളുടെ തീരങ്ങളിലും മരുഭൂമി പ്രദേശങ്ങളിലും 40-50നും ഇടയിലായിരിക്കും താപനില. തെക്ക്-വടക്ക് ബാത്തിന, മസ്‌കറ്റ് എന്നിവിടങ്ങിൽ വ്യാഴാഴ്ച ഉച്ചയോടെ തന്നെ വടക്ക് പടിഞ്ഞാറൻ കാറ്റ് വീശിത്തുടങ്ങിയിട്ടുണ്ടെന്നു കാലാവസ്ഥാ നിരീക്ഷണ കേന്ദ്രം അറിയിച്ചു.
