അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെന്നൈ: അഞ്ച് ദിവസം മാത്രം പ്രായമുള്ള കുഞ്ഞിനെ വിറ്റതിന് മാതാവടക്കം രണ്ടു സ്ത്രീകൾ പിടിയിലായി. ചെന്നൈ പൊലീസാണ് സ്ത്രീകളെ അറസ്റ്റ് ചെയ്തത്.
സേലൈയൂർ മാപ്പേടിലാണ് സംഭവം. കുഞ്ഞിനെ 5000 രൂപക്ക് വാങ്ങിയ സ്ത്രീയാണ് മാതാവിനൊപ്പം അറസ്റ്റിലായത്. കുഞ്ഞിനെ കാണാനില്ലാത്തത് ശ്രദ്ധിച്ച ബന്ധുക്കൾ പൊലീസിൽ വിവരമറിയിക്കുകയായിരുന്നു.
ശുചീകരണ തൊഴിലാളിയായ സ്ത്രീയുടെ മൂന്നാമത്തെ കുഞ്ഞാണിത്. കുറഞ്ഞ വരുമാനം കാരണം സാമ്പത്തിക പ്രയാസത്തിലായതിനാലാണ് കുഞ്ഞിനെ വിൽക്കാൻ ശ്രമിച്ചതെന്ന് ഇവർ പൊലീസിനോട് പറഞ്ഞു.
വിവാഹം കഴിഞ്ഞ് പത്ത് വർഷമായിട്ടും കുട്ടികളില്ലാത്ത തൻറെ സഹോദരന് വേണ്ടിയാണ് പണം നൽകിയതെന്ന് കുഞ്ഞിനെ വാങ്ങിയ സ്ത്രീ പറയുന്നു.
