അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ബോളിവുഡിന്റെ പ്രിയതാരമാണ് നടൻ സോനു സൂദ്. വിവിധ സന്നധ പ്രവർത്തനങ്ങളിൽ മുന്നിട്ടിറങ്ങിയത് തന്നെ അതിന് തെളിവാണ്. നിരവധി നന്മപ്രവർത്തനങ്ങൾ സോനു ചെയ്യാറുണ്ട്.കൊവിഡ് രണ്ടാം തരംഗത്തിന്റെ ആരംഭം മുതൽ തന്നെ സന്നദ്ധപ്രവർത്തനങ്ങളുമായി മുന്നോട്ട് പോകുകയാണ് സോനു. കഴിഞ്ഞ വർഷം ലോക്ഡൗൺ സമയത്ത് ജോലി നഷ്ടപ്പെട്ട് നാട്ടിലേക്ക് മടങ്ങി പോകേണ്ടി വന്ന ആയിരക്കണക്കിന് ഇതര സംസ്ഥാന തൊഴിലാളികൾക്ക് സഹായമെത്തിക്കാൻ സോനു സൂദ് മുന്നിൽ തന്നെയുണ്ടായിരുന്നു. ഇപ്പോഴിതാ പ്രമുഖ ആശുപത്രിയുടെ പ്രമോഷന് സഹകരിക്കുന്നതിന് സോനു സൂദ് പ്രതിഫലമായി ആവശ്യപ്പെട്ടത് 50 കരൾമാറ്റ ശസ്ത്രക്രിയകളെന്ന വിവരമാണ് പുറത്തുവരുന്നത്.
ഒരു അഭിമുഖത്തിലായിരുന്നു സോനു സൂദിന്റെ തുറന്നു പറച്ചിൽ. ഇത്രയും ആളുകൾക്ക് ശസ്ത്രക്രിയ നടത്തണമെങ്കിൽ 12 കോടിയോളം രൂപവേണ്ടിവരുമെന്ന് സോനു സൂദ് പറയുന്നു. അങ്ങനെയിരിക്കെയാണ് തന്റെ ദുബൈ യാത്രക്കിടെ ആശുപത്രി അധികൃതരിൽ ഒരാൾ തന്നെ ബന്ധപ്പെടുന്നത്. ഞാനുമായി സഹകരിച്ച് പ്രവർത്തിക്കാൻ താൽപര്യമുണ്ടെന്ന് അവർ പറഞ്ഞു. ഞാൻ അവരെ പ്രമോട്ട് ചെയ്യാമെന്നും പകരമായ 50 പേരുടെ കരൾമാറ്റ ശസ്ത്രക്രിയ നടത്തണമെന്ന് ആവശ്യപ്പെട്ടതായും സോനു പറയുന്നു.
12 കോടിയോളം ചെലവ് വരുന്ന ശസ്ത്രക്രിയ നടന്നുകൊണ്ടിരിക്കുകയാണെന്നും ചികിത്സക്കായി സാമ്പത്തിക സ്ഥിതിയില്ലാത്തവർക്കാണ് ശസ്ത്രക്രിയ നടത്തിക്കൊടുക്കുന്നതെന്നും സോസു സൂദ് വ്യക്തമാക്കുന്നു.
