അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തിരുവനന്തപുരം: നറുക്കെടുപ്പിലൂടെ സ്വന്തം വീട് വിൽക്കാൻ ശ്രമിച്ച കുടുംബത്തിനെതിരെ പരാതി നൽകി ലോട്ടറി വകുപ്പ്. കടബാധ്യതയിൽ നിന്നും കരകയറാനാണ് നറുക്കെടുപ്പ് നടത്തി വീട് വിൽക്കാൻ കുടുംബം തീരുമാനമെടുത്തത്.
അക്കൗണ്ടന്റായിരുന്ന അജോയ്ക്ക് അപകടത്തില്‍ കാഴ്ച നഷ്ടപ്പെട്ടതോടെ ജോലി നഷ്ടമായി. എന്‍ജിനീയറായിരുന്ന അന്നയ്ക്കും കൊവിഡ് സാഹചര്യത്തില്‍ ജോലി നഷ്ടമായിരുന്നു. ഇതോടെയാണ് കുടുംബം കടക്കെണിയിലായത്.
അതേസമയം വ്യക്തികള്‍ക്ക് പണം വാങ്ങി കൂപ്പണോ ലോട്ടറിയോ നടത്താനാകില്ലെന്നും സംഭവത്തില്‍ എസ്‌പിയ്ക്ക് പരാതി നല്‍കുമെന്നും ലോട്ടറി വകുപ്പ് അറിയിച്ചു. വീട് നറുക്കെടുപ്പിലൂടെ വില്‍ക്കുന്നത് നിയമപരമായി ശരിയല്ലെന്നും ഇത് തടയണമെന്നും ലോട്ടറി വകുപ്പ് ജോയിന്റ് ഡയറക്ടര്‍ വട്ടിയൂര്‍ക്കാവ് പൊലീസിന് നിര്‍ദേശം നല്‍കി.
വീട്ടുടമസ്ഥരായ അജോ- അന്ന ദമ്ബതികള്‍ കൂപ്പണ്‍ വില്‍പ്പന തല്‍ക്കാലത്തേയ്ക്ക് നിര്‍ത്തി വച്ചിരിക്കുകയാണ്. ജോയിന്റ് ഡയറക്ടറുടെ നിര്‍ദേശപ്രകാരം വീട്ടിലെത്തി വട്ടിയൂര്‍ക്കാവ് പൊലീസ് വിവരങ്ങള്‍ ശേഖരിച്ചു.
കേരള ബാങ്ക് ജഗതി ശാഖയില്‍ നിന്ന് വീടുവാങ്ങാനെടുത്ത വായ്പ അടയ്ക്കുന്നത് മുടങ്ങിയതോടെ വായ്പ അടയ്ക്കേണ്ട സമയം നീട്ടിക്കിട്ടാന്‍ മന്ത്രിയടക്കമുള്ളവരെ കണ്ടെങ്കിലും ബാങ്ക് ജീവനക്കാരില്‍ നിന്നുള്ള കടുത്ത സമ്മര്‍ദം മൂലമാണ് വീട് വിറ്റ് കടം തീര്‍ക്കാന്‍ കുടുംബം തീരുമാനിച്ചത്. അത്യാവശ്യക്കാരെന്ന് കണ്ടതോടെ വിപണിവിലയും കുറച്ച്‌ നല്‍കാനാണ് പലരും ശ്രമിച്ചത്. ഇതിനൊരു പരിഹാരമെന്ന നിലയില്‍ മൂന്നാംമൂട് ക്രിസ്തുരാജപുരം ദേവാലയത്തിലെ വികാരി അടക്കമുള്ളവരുടെ സഹായത്തോടെ നറുക്കെടുപ്പ് നടത്താന്‍ കുടുംബം തീരുമാനിക്കുകയായിരുന്നു.
