ഗംഭീര തിരിച്ചുവരവുമായി ജെയ്‌സ്വാൾ; പഞ്ചാബിനെ തകർത്ത് രാജസ്ഥാൻ വിജയവഴിയില്‍

മുംബൈ: ഐപിഎല്ലില്‍ ശനിയാഴ്ച നടന്ന ആദ്യ മത്സരത്തില്‍ പഞ്ചാബ് കിങ്‌സിനെ ആറു വിക്കറ്റിന് തകര്‍ത്ത് രാജസ്ഥാന്‍ റോയല്‍സ്. പഞ്ചാബ് ഉയര്‍ത്തിയ 190 റണ്‍സ് വിജയലക്ഷ്യം രണ്ടു പന്തുകള്‍ ബാക്കിനില്‍ക്കേ രാജസ്ഥാന്‍ മറികടന്നു.

ടീമിലേക്കുള്ള തിരിച്ചുവരവില്‍ അര്‍ധ സെഞ്ചുറിയുമായി തിളങ്ങിയ ഓപ്പണര്‍ യശസ്വി ജെയ്‌സ്വാളാണ് രാജസ്ഥാന്റെ ടോപ് സ്‌കോറര്‍. ജയ്‌സ്വാളിന് പുറമെ ജോസ് ബട്‌ലര്‍(30), സഞ്ജു സാംസണ്‍(23), ദേവ്ദത്ത് പടിക്കല്‍(31) എന്നിവരുടെ വിക്കറ്റുകളാണ് രാജസ്ഥാന് നഷ്ടമായത്. ഷിംറോണ്‍ ഹെറ്റ്മയേറുടെ പ്രകടനവും (31) നിര്‍ണായകമായി. ജയിച്ചെങ്കിലും രാജസ്ഥാന്‍ മൂന്നാം സ്ഥാനത്തു തന്നെ തുടരും. എന്നാൽ പ്ലേ ഓഫ് സാധ്യതകള്‍ സജീവമായി. 11 മത്സരങ്ങളില്‍ 14 പോയിന്‍റാണ് ടീമിനുള്ളത്.
 
 
ടോ​സ് നേ​ടി ആ​ദ്യം ബാ​റ്റ് ചെ​യ്ത പ​ഞ്ചാ​ബി​നെ ജോ​ണി ബെ​യ​ർ​സ്റ്റോ​യു​ടെ (40 പ​ന്തി​ൽ 56) അ​ർ​ധ​സെ​ഞ്ചു​റി പ്ര​ക​ട​ന​മാ​ണ് മി​ക​ച്ച നി​ല​യി​ലെ​ത്തി​ച്ച​ത്. അ​വ​സാ​ന ഓ​വ​റു​ക​ളി​ൽ ത​ക​ർ​ത്ത​ടി​ച്ച ജി​തേ​ഷ് ശ​ർ​മ​യു​ടെ പ്ര​ക​ട​ന​വും പ​ഞ്ചാ​ബി​ന് നേ​ട്ട​മാ​യി. 18 പ​ന്തി​ൽ 38 റ​ണ്‍​സു​മാ​യി ജി​തേ​ഷ് പു​റ​ത്താ​കാ​തെ നി​ന്നു.

ഭാ​നു​ക രാ​ജ​പ​ക്സെ​യും (18 പ​ന്തി​ൽ 27) ലി​യാം ലി​വിം​ഗ്സ്റ്റ​ണും (14 പ​ന്തി​ൽ 22) ഇ​ന്ന് ഭേ​ദ​പ്പെ​ട്ട പ്ര​ക​ട​ന​മാ​ണ് പ​ഞ്ചാ​ബി​നാ​യി കാ​ഴ്ച​വ​ച്ച​ത്. മ​യ​ങ്ക് അ​ഗ​ർ​വാ​ൾ 15 റ​ണ്‍​സും നേ​ടി. രാ​ജ​സ്ഥാ​നാ​യി യു​സ് വേ​ന്ദ്ര ചാ​ഹ​ൽ മൂ​ന്ന് വി​ക്ക​റ്റു​ക​ൾ പി​ഴു​തു. പ്ര​സീ​ദ് കൃ​ഷ്ണ​യും അ​ശ്വി​നും ഓ​രോ വി​ക്ക​റ്റ് വീ​ത​വും വീ​ഴ്ത്തി.