അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മസ്കത്ത്: ഈദുൽ ഫിത്വറിന് മുന്നോടിയായി മവേല സെൻട്രൽ മാർക്കറ്റിലെ പ്രവർത്തന സമയം മസ്കത്ത് മുനിസിപ്പാലിറ്റി പ്രഖ്യാപിച്ചു. റമദാനിലെ ഇനിയുള്ള ദിവസങ്ങളിൽ പുലർച്ചെ 4.30മുതൽ രാത്രി പത്തുവരെ മാർക്കറ്റ് പ്രവർത്തിക്കും. വരുന്ന വെള്ളിയാഴ്ച മാർക്കറ്റിന് അവധിയുണ്ടാകില്ലെന്നും അധികൃതർ വ്യക്തമാക്കിയിട്ടുണ്ട്.
ഇപ്രാവശ്യവും മൊത്തക്കച്ചവടക്കാർ സാധാരണ പോലെ ഗേറ്റ് ഒന്നിലൂടെയും ഉപഭോക്താക്കൾ ഗേറ്റ് രണ്ടിലൂടെയുമാണ് പ്രവേശിക്കേണ്ടത്. പെരുന്നാളിനും തൊട്ടടുത്ത ദിവസവും മാർക്കറ്റിന് അവധിയായിരിക്കും. മൂന്നാം പെരുന്നാളിനായിരിക്കും പിന്നീട് തുറന്ന് പ്രവർത്തിക്കുക. ഗേറ്റ് ഒന്നിലുടെ രാവിലെ അഞ്ചുമണിക്ക് മൊത്ത കച്ചവടകാർക്ക് പ്രവേശിക്കാം.
ഉപഭോക്താകൾക്കും ചില്ലറ വ്യാപാരികൾക്കും ഗേറ്റ് രണ്ടിലൂടെ രാവിലെ അഞ്ച് മുതൽ രാത്രി പത്തുവരെ മാർക്കറ്റിൽ എത്താവുന്നതാണെന്നും മസ്കത്ത് മുനിസിപ്പാലിറ്റി പ്രസ്താവനയിൽ അറിയിച്ചു.
