അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മലപ്പുറം: സന്തോഷ് ട്രോഫി ഫുട്ബോൾ ചാമ്പ്യൻഷിപ്പിൽ കർണാടകയെ വീഴ്ത്തി മണിപ്പൂർ സെമിയിൽ. നിർണായക മത്സരത്തിൽ എതിരില്ലാത്ത മൂന്ന് ഗോളുകൾക്കാണ് മണിപ്പൂറിന്റെ ജയം.
കഴിഞ്ഞ മത്സരത്തിൽ ഇറങ്ങിയ ആദ്യ ഇലവനിൽ ഒരു മാറ്റവുമായി ആണ് മണിപ്പൂർ ഗ്രൂപ്പിലെ അവസാന മത്സരത്തിന് ഇറങ്ങിയത്. മണിപ്പൂരിനായി ലൂൻമിൻലെൻ ഹോകിപ് ഇരട്ടഗോൾ നേടി. സോമിഷോൺ ഷിറകിന്റെ വകയാണ് ഒരു ഗോൾ.
നാല് മത്സരങ്ങളിൽ നിന്ന് മൂന്ന് ജയവും ഒരു തോൽവിയുമായി ഒമ്പത് പോയിന്റുമായി മണിപ്പൂരാണ് നിലവിൽ ഗ്രൂപ്പിൽ ഒന്നാമത്. മൂന്ന് മത്സരങ്ങളിൽ ഒരു ജയവും ഒരു തോൽവിയും ഒരു സമനിലയുമായി നാല് പോയിന്റാണ് കർണാടകയ്ക്ക് ഉള്ളത്. 25 ന് ഗുജറാത്തിന് എതിരെയാണ് കർണാടകയുടെ അവസാന മത്സരം.
