അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മഞ്ചേരി: സന്തോഷ് ട്രോഫി ഫുട്ബോളില്‍ കേരള- മേഘാലയ മത്സരം സമനിലയില്‍ കലാശിച്ചു. പയ്യനാട് സ്റ്റേഡിയത്തില്‍ നടന്ന മത്സരത്തില്‍ ഇരുടീമും രണ്ടു ഗോളുകള്‍ വീതം നേടി.
കേരളത്തിനായി മുഹമ്മദ് സഫ്നാദ്, മുഹമ്മദ് സഹീഫ് എന്നിവര്‍ ഗോള്‍ നേടി. ക്യാപ്റ്റന്‍ ജിജോ ജോസഫ് പെനാല്‍റ്റി പാഴാക്കിയത് കേരളത്തിന് തിരിച്ചടിയായി.
തുടക്കത്തില്‍ കേരള ആക്രമണങ്ങളെ പ്രതിരോധിച്ച മേഘാലയ, കേരളം ഗോള്‍ നേടിയതോടെ ആക്രമണ ഫുട്ബോള്‍ പുറത്തെടുക്കുകയായിരുന്നു. മേഘാലയക്കായി കിന്‍സൈബോര്‍ ലുയ്ദ്, ഫിഗോ സിന്‍ഡായ് ഒരോ ഗോള്‍ വീതം നേടി.
പശ്ചിമ ബംഗാളിനെതിരേ വിജയം നേടിയ മത്സരത്തില്‍ നിന്നും ഒരു മാറ്റവുമായാണ് കേരളം മേഘാലയക്കെതിരേ ആദ്യ ഇലവനെ ഇറക്കിയത്. അണ്ടര്‍ 21 താരം ഷിഗിലിന് പകരം മുഹമ്മദ് സഫ്നാദ് ആദ്യ ഇലവനില്‍ ഇടംനേടി.
മറുവശത്ത് മേഘാലയ, രാജസ്ഥാനെതിരായ കഴിഞ്ഞ മത്സരത്തില്‍ നിന്ന് മൂന്ന് മാറ്റങ്ങളുമായാണ് കളത്തിലിറങ്ങിയത്.
