സന്തോഷ് ട്രോഫി: പഞ്ചാബിനോട് പരാജയപ്പെട്ട് രാജസ്ഥാൻ; സെമി കാണാതെ പുറത്ത്

മലപ്പുറം: സന്തോഷ് ട്രോഫി ഫുട്ബോൾ ചാമ്പ്യൻഷിപ്പിൽ കോട്ടപ്പടിയിൽ നടന്ന മത്സരത്തിൽ പഞ്ചാബിനോട് എതിരില്ലാത്ത നാല് ഗോളിന് പരാജയപ്പെട്ട് രാജസ്ഥാൻ.

പഞ്ചാബിന് വേണ്ടി തരുൺ സ്ലാതിയ പകരക്കാരനായി എത്തി രണ്ട് ഗോൾ നേടി. അമർപ്രീത് സിംഗ്, പരംജിത് സിംഗ് എന്നിവർ ഓരോ ഗോൾ വീതവും നേടി. 

ഇതോടെ ഗ്രൂപ്പ് എയിൽ നിന്ന് രാജസ്ഥാൻ സെമി കാണാതെ പുറത്തായി. കളിച്ച മൂന്ന് മത്സരങ്ങളിലും പരാജയപ്പെട്ടതോടെയാണ് രാജസ്ഥാൻ പുറത്തായത്. കേരളത്തിനോടും ബംഗാളിനോടും രാജസ്ഥാൻ നേരത്തെ പരാജയപ്പെട്ടിരുന്നു.
  
അതേസമയം, സന്തോഷ് ട്രോഫി ഫുട്‌ബോളിൽ സെമിഫൈനൽ സാധ്യത ഉറപ്പിക്കാൻ കേരളം ഇന്നിറങ്ങും. മേഘാലയയാണ് എതിരാളികൾ രാത്രി എട്ടിന് പയ്യനാട് സ്റ്റേഡിയത്തിലാണ് മത്സരം.