അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ദുബായ് : സോളാർ പാനലുകൾക്കിടയിൽ ഒളിപ്പിച്ച് കടത്താൻ ശ്രമിച്ച 6.9 കോടി ദിർഹത്തിന്റെ ലഹരിവസ്തുക്കൾ ദുബായ് പോലീസ് പിടിച്ചെടുത്തു. 1056 കിലോഗ്രാം ക്രിസ്റ്റൽ മെത്ത് ആണ് കണ്ടെടുത്തത്. ഇതുമായി ബന്ധപ്പെട്ട് താമസക്കാരായ പത്തുപേരെ പിടികൂടി.
വാണിജ്യാടിസ്ഥാനത്തിലുള്ള 264 സോളാർ പാനലുകൾക്കിടയിൽ പ്രത്യേകരീതിയിൽ സജ്ജീകരിച്ച ലഹരിവസ്തുക്കൾ ആന്റി നർകോട്ടിക്സ് വകുപ്പിന്റെ നേതൃത്വത്തിലാണ് കണ്ടെടുത്തത്. പൊതുജനങ്ങൾക്കും സമൂഹത്തിനും വെല്ലുവിളിയുയർത്തുന്ന ഇത്തരം പ്രവണതകൾക്കെതിേര ശക്തമായ സംവിധാനമാണ് ഇവിടെ നിലനിൽക്കുന്നതെന്ന് ദുബായ് പോലീസ് ചീഫ് കമാൻഡർ ലഫ്റ്റനന്റ് ജനറൽ അബ്ദുല്ല ഖലീഫ അൽ മാരി പറഞ്ഞു. വകുപ്പിന് ലഭിക്കുന്ന ചെറിയ സൂചനകൾപോലും സൂക്ഷ്മപരിശോധനകൾക്ക് വിധേയമാക്കാറുണ്ട്. അത്തരത്തിൽ ഒന്നിൽനിന്നാണ് ഈ ലഹരിക്കടത്തിനെക്കുറിച്ചുള്ള കൂടുതൽ വിവരങ്ങൾ ഒടുവിൽ ലഭിക്കുന്നത്.
