അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: കെ.എസ്.ആർ.ടി.സിയിൽ ശമ്പള വിതരണം നാളെ മുതലെന്ന് ഗതാഗത മന്ത്രി ആന്റണി രാജു അറിയിച്ചു . ആവശ്യമായ തുക ഓവർഡ്രാഫ്റ്റ് എടുത്ത് ശമ്പളം നൽകാൻ നിർദേശം നൽകിയതായി ആന്റണി രാജു മാധ്യമങ്ങളോട് പറഞ്ഞു.
കെഎസ്ആർടിസി മാനേജ്മെന്റിന്റെ കെടുകാര്യസ്ഥത കൊണ്ടല്ല ശമ്പളം മുടങ്ങിയതെന്നും അദ്ദേഹം പറഞ്ഞു. മാര്ച്ച് മാസത്തെ ശമ്പളത്തിനായി ജീവനക്കാര് കാത്തിരിക്കാന് തുടങ്ങിയിട്ട് 48 ദിവസമായി. ഏപ്രില് പാതിപിന്നിട്ടും ഇതുവരെ ശമ്പളം നല്കാന് മാനേജ്മെന്റിന് കഴിഞ്ഞിട്ടില്ലെന്നതും ഏറെ വിവാദമായിരുന്നു.
അതേസമയം തങ്ങൾ കൂടി പ്രവർത്തിച്ചിട്ടാണ് ആന്റണി രാജു മന്ത്രിയായത്. അധികാരം കിട്ടിയപ്പോൾ മന്ത്രി ജീവനക്കാർക്ക് എതിരെ രംഗത്തു വരികയാണെന്ന് കെഎസ്ആർടിഇ എ(സിഐടിയു) സംസ്ഥാന സെക്രട്ടറി ശാന്തകുമാർ മാധ്യമങ്ങളോടു പറഞ്ഞിരുന്നു
