അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മുംബൈ: കണ്ടവരുടെ എല്ലാം ഹൃദയം ഒരുനിമിഷം നിലപ്പിച്ച ക്യാച്ച്. ഐപിഎല്‍ പതിനഞ്ചാം സീസണിലെ ഏറ്റവും മികച്ച ക്യാച്ചുകളിൽ ഒന്നാണ് റോയല്‍ ചലഞ്ചേഴ്‌സ് ബാംഗ്ലൂരിനെതിരെ ചെന്നൈ സൂപ്പര്‍ കിംഗ്‌സിന്‍റെ അമ്പാട്ടി റായുഡു നേടിയിരിക്കുന്നത്. റോയല്‍ ചലഞ്ചേഴ്‌സ് ബാംഗ്ലൂരിന്‍റെ ആകാശ് ദീപിനെ പുറത്താക്കാനായിരുന്നു ഒറ്റക്കൈ കൊണ്ട് റായുഡു മാജിക്.
ആര്‍സിബി ഇന്നിംഗ്‌സിലെ 16-ാം ഓവറില്‍ ഒന്‍പതാമനായിറങ്ങിയ ആകാശ് ദീപിനെ വിസ്‌മയ ക്യാച്ചില്‍ മടക്കുകയായിരുന്നു അമ്പാട്ടി റായുഡു. ചെന്നൈ നായകന്‍ രവീന്ദ്ര ജഡേജയുടെ പന്ത് പ്രതിരോധിക്കാന്‍ ശ്രമിക്കുകയായിരുന്നു ആകാശ് ദീപ്. പക്ഷെ വായുവിലുയര്‍ന്ന പന്തില്‍ ഷോര്‍ട് കവറിലെ മുഴുനീള പറക്കലിനൊടുവില്‍ ഒറ്റകൈ കൊണ്ട് ഒടുവിൽ കുരുക്കുകയായിരുന്നു റായുഡു.
