‘ഇ​ന്ത്യ​യു​മാ​യി ന​ല്ല ബ​ന്ധ​മാ​ണ് ആ​ഗ്ര​ഹി​ക്കു​ന്ന​ത്’; കശ്മീർ വിഷയത്തില്‍ മോദിയെ ചർച്ചയ്ക്ക് വിളിച്ച് പാക് പ്രധാനമന്ത്രി ഷഹബാസ് ഷെരീഫ്

ഇ​സ്ലാ​മാ​ബാ​ദ്: ഇ​ന്ത്യ​യു​മാ​യി ന​ല്ല ബ​ന്ധ​മാ​ണ് ആ​ഗ്ര​ഹി​ക്കു​ന്ന​തെ​ന്ന് പാ​ക്കി​സ്ഥാ​ൻ നി​യു​ക്ത പ്ര​ധാ​ന​മ​ന്ത്രി ഷ​ഹ്ബാ​സ് ഷ​രീ​ഫ്. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ ഷ​ഹ്ബാ​സ് ച​ർ​ച്ച​യ്ക്കും ക്ഷ​ണി​ച്ചു.

കാ​ഷ്മീ​ർ വി​ഷ​യ​ത്തി​ലാ​ണ് ച​ർ​ച്ച​യ്ക്ക് ഷ​ഹ്ബാ​സ് മോ​ദി​യെ ക്ഷ​ണി​ച്ചി​രി​ക്കു​ന്ന​ത്. സ​മാ​ധാ​ന​പ​ര​മാ​യി കാ​ഷ്മീ​ർ പ്ര​ശ്നം പ​രി​ഹ​രി​ക്ക​ണം. എ​ല്ലാ അ​ന്താ​രാ​ഷ്ട്ര വേ​ദി​ക​ളി​ലും കാ​ഷ്മീ​ർ വി​ഷ​യം ഉ​ന്ന​യി​ക്കു​മെ​ന്നും ഷ​ഹ്ബാ​സ് പ​റ​ഞ്ഞു. ദാരിദ്ര്യം ഇല്ലാതാക്കാനായി ഒരുമിച്ച് നിന്ന് പോരാടാമെന്നും ഷഹബാസ് ഷെരീഫ് വ്യക്തമാക്കി.

ഇ​ന്ത്യ​യു​മാ​യു​ള്ള ന​മ്മു​ടെ ബ​ന്ധം ന​ല്ല രീ​തി​യി​ൽ മാ​റാ​ത്ത​ത് ഖേ​ദ​ക​ര​മാ​ണ്. ന​വാ​സ് ഷ​രീ​ഫ് ഇ​ന്ത്യ​യു​മാ​യു​ള്ള ബ​ന്ധം മെ​ച്ച​പ്പെ​ടു​ത്തി​യി​രു​ന്നു. നി​യ​മ​സ​ഭ​യി​ൽ ന​വാ​സ് ഷ​രീ​ഫ് കാഷ്മീരിന് വേ​ണ്ടി ശ​ബ്ദ​മു​യ​ർ​ത്തി​യെ​ന്നും അ​ദ്ദേ​ഹം പ​റ​ഞ്ഞു.

കശ്മീർ ഉൾപ്പടെയുള്ള വിഷയങ്ങളിൽ ഇന്ത്യയുമായി ചർച്ച വേണമെന്ന് പാകിസ്താൻ സൈനിക മേധാവി ജനറൽ ഖമർ ജാവേദ് ബാജ്വ ഈയിടെ അഭിപ്രായപ്പെട്ടിരുന്നു. പാകിസ്താനിലെ പുതിയ പ്രധാനമന്ത്രിയായി തെരഞ്ഞെടുക്കപ്പെട്ടതിന് പിന്നാലെ പാകിസ്താനിൽ മാറ്റം കൊണ്ടുവരുമെന്നും ദേശീയ അസംബ്ലി പാകിസ്താനെ രക്ഷിച്ചെന്നും ഷഹബാസ് ഷെരീഫ് പ്രതികരിച്ചിരുന്നു.

  
പിഎംഎല്‍ (എന്‍) വിഭാഗം നേതാവായ ഷഹബാസ് ഷെരീഫ് മുന്‍ പ്രധാനമന്ത്രി നവാസ് ഷരീഫിന്റെ ഇളയ സഹോദരനും പാകിസ്താന്‍ മുസ്‌ലിം ലീഗ് -നവാസ് (പിഎംഎല്‍(എന്‍) അധ്യക്ഷനുമാണ്.