അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
2022 ഏപ്രിൽ മാസത്തില്‍ മികച്ച ഓഫറുകളുമായി രാജ്യത്തെ ഒന്നാംനിര വാഹന നിര്‍മ്മാതാക്കളായ മാരുതി സുസുക്കി. കമ്പനിയുടെ അരീന മോഡൽ ലൈനപ്പിൽ 31,000 രൂപ വരെ വിലക്കിഴിവുള്ള വളരെ ആകർഷകമായ ആനുകൂല്യങ്ങൾ പുറത്തിറക്കിയിതായി റിപ്പോർട്ടുകൾ ഉണ്ട്. ഈ ആനുകൂല്യങ്ങൾ വാഗൺ ആർ, എസ് -പ്രെസോ, സ്വിഫ്റ്റ്, ഡിസയർ തുടങ്ങിയ മോഡലുകളിൽ ക്യാഷ് ഡിസ്‍കൌണ്ടുകൾ, കോർപ്പറേറ്റ് ആനുകൂല്യങ്ങൾ, എക്സ്ചേഞ്ച് ഓഫറുകൾ എന്നിവയുടെ രൂപത്തിൽ ലഭിക്കുകയും ചെയ്യും.
മാരുതി സുസുക്കി വാഗൺ ആർ അടുത്തിടെ ഡ്യുവൽ ജെറ്റ് എഞ്ചിനുകളും പുതിയ ഫീച്ചറുകളും കൂടുതൽ കളർ ഓപ്ഷനുകളും ഉപയോഗിച്ച് അപ്‌ഡേറ്റ് ചെയ്‍തിട്ടുണ്ട്. 1.0-ലിറ്റർ പെട്രോൾ, 1.2-ലിറ്റർ പെട്രോൾ എന്നിങ്ങനെ വാഗൺ R-ൽ നിങ്ങൾക്ക് രണ്ട് എഞ്ചിൻ ഓപ്ഷനുകൾ ലഭിക്കും. ഇവ രണ്ടും മാനുവൽ, എഎംടി ഗിയർബോക്‌സ് ഓപ്ഷനുകൾ ലഭിക്കും. വാഗൺ ആറിന്റെ 1.0 ലിറ്റർ വേരിയന്റുകൾ 31,000 രൂപ വരെ ആനുകൂല്യങ്ങളോടെ ലഭ്യമാണ്.
അതേസമയം, 1.2 ലിറ്റർ വേരിയന്റുകൾ 26,000 രൂപ വരെ ആനുകൂല്യങ്ങളിൽ ലഭ്യമാണ്. വിശാലമായ ഇന്റീരിയർ, ഇന്ധനക്ഷമതയുള്ള എൻജിനുകൾ, നഗരസൗഹൃദ ചലനാത്മകത എന്നിവയാണ് വാഗൺ ആറിന്റെ കരുത്ത്.
