അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മുംബൈ: ഐപിഎൽ ക്രിക്കറ്റ് മത്സരത്തിൽ ഇന്ന് ഗുജറാത്ത് ടൈറ്റന്‍സ്, പഞ്ചാബ് കിംഗ്‌സിനെ നേരിടും. രാത്രി ഏഴരയ്ക്ക് മുംബൈ ബ്രാബോണ്‍ സ്റ്റേഡിയത്തിലാണ് മത്സരം. കന്നിക്കാരെങ്കിലും ഹാട്രിക് ജയത്തിനായി കച്ചകെട്ടുകയാണ് ഗുജറാത്ത്. പഞ്ചാബിന്റെ ബാറ്റര്‍മാരും ഗുജറാത്തിന്റെ ബൗളര്‍മാരും തമ്മിലുള്ള പോരാട്ടമാകും ഇന്ന് മുംബൈയില്‍ നടക്കുക.
ലഖ്‌നൗവിനെയും ഡെല്‍ഹിയെയും മറികടന്നാണ് ഗുജറാത്ത് പഞ്ചാബിനെതിരെയെത്തുന്നത്. സൂപ്പര്‍താരങ്ങളുടെ വന്‍നിരയില്ലെങ്കിലും ജയിക്കാനുള്ള വിഭവങ്ങള്‍ ഹര്‍ദിക് പണ്ഡ്യയുടെ കൈയ്യില്‍ ഭദ്രം. ലോക്കി ഫെര്‍ഗ്യൂസന്‍, മുഹമ്മദ് ഷമി, റാഷിദ് ഖാന്‍ ത്രയം തന്നെ ടീമിന്റെ കരുത്ത്. ഏഴ് ബൗളര്‍മാരെ പരീക്ഷിക്കാനുള്ള ശേഷിയുണ്ടെങ്കിലും ഫോമിലല്ലാത്ത വരുണ്‍ ആരോണിനെ നിലനിര്‍ത്തുമോയെന്നത് കണ്ടു തന്നെ അറിയണം.
