അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കോട്ടയം: കോട്ടയത്ത് നിന്ന് ക‌‌ർണ്ണാടകയിലേക്ക് വിനോദയാത്രയ്ക്ക് പോയ മൂന്ന് കോളേജ് വിദ്യാർത്ഥികൾ കടലിൽ മുങ്ങി മരിച്ചു. കോട്ടയം മംഗളം കോളേജിൽ നിന്ന് പോയ വിദ്യാർത്ഥികളാണ് അപകടത്തിൽപ്പെട്ടത്. കർണാടകയിലെ ഉടുപ്പിയിലെ സെന്റ് മേരീസ് ഐലന്റിൽ വച്ചാണ് അപകടം. ശക്തമായ തിരയടിച്ചപ്പോൾ പാറക്കെട്ടുകളിൽ നിന്നിരുന്ന വിദ്യാർത്ഥികൾ താഴേക്ക് വീണുവെന്നാണ് കിട്ടുന്ന വിവരം.
കോട്ടയം മംഗളം കോളേജിലെ അവസാന വർഷ ബി ടെക് വിദ്യാർത്ഥികളാണ് അപകടത്തിൽപ്പെട്ടത്. അവസാന വർഷ ബിടെക് കമ്പ്യൂട്ടർ സയൻസ് വിദ്യാർഥികളായ കോട്ടയം കുഴിമറ്റം ചേപ്പാട്ടുപറമ്പിൽ അമൽ സി.അനിൽ, ഉദയംപേരൂർ ചിറമേൽ ആന്റണി ഷിനോയി, പാമ്പാടി വെള്ളൂർ എല്ലിമുള്ളിൽ അലൻ റെജി എന്നിവരാണ് മരിച്ചത്.
