അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ലാഹോര്‍: പാകിസ്ഥാനെതിരായ നടന്ന ഏക ടി20ല്‍ ഓസ്‌ട്രേലിയക്ക് ജയം. ലാഹോര്‍ ഗദ്ദാഫി സ്റ്റേഡിയത്തില്‍ മൂന്ന് വിക്കറ്റിന്റെ ജയമാണ് സന്ദര്‍ശകര്‍ സ്വന്തമാക്കിയത്. ടോസ് നഷ്ടപ്പെട്ട് ബാറ്റിംഗിന് ഇറങ്ങിയ പാകിസ്ഥാന്‍ നിശ്ചിത ഓവറില്‍ എട്ട് വിക്കറ്റ് നഷ്ടത്തില്‍ 162 റണ്‍സാണ് നേടിയത്. മറുപടി ബാറ്റിംഗില്‍ ഓസീസ് 19.1 ഓവറില്‍ ഏഴ് വിക്കറ്റ് നഷ്ടത്തില്‍ ലക്ഷ്യം മറികടന്നു. 55 റണ്‍സ് നേടിയ ക്യാപ്റ്റന്‍ ആരോണ്‍ ഫിഞ്ചാണ് ടീമിനെ വിജയത്തിലേക്ക് നയിച്ചത്.
ഓപ്പണിംഗ് വിക്കറ്റില്‍ ട്രാവിഡ് ഹെഡും (26) ഫിഞ്ചും ഭേദപ്പെട്ട തുടക്കമാണ് ഓസീസിന് നല്‍കിയത്. ഇരുവരും ആദ്യ വിക്കറ്റില്‍ 40 റണ്‍സെടുത്തു. 14 പന്തില്‍ മൂന്ന് ഫോറും ഒരു സിക്‌സും അടങ്ങുന്നതായിരുന്നു ഹെഡ്ഡിന്റെ ഇന്നിംഗ്‌സ്. ഹാരിസ് റൗഫിന്റെ പന്തില്‍ ഉസ്മാന്‍ ഖാദിറിന് ക്യാച്ച് നല്‍കിയാണ് ഹെഡ് മടങ്ങുന്നത്. മൂന്നാമനായി ക്രീസിലെത്തിയ ജോഷ് ഇംഗ്ലിസ് (24) ഭേദപ്പെട്ട പ്രകടനം പുറത്തെടുത്തു. മൂന്നാം വിക്കറ്റില്‍ 44 റണ്‍സാണ് ഫിഞ്ചിനൊപ്പം പറഞ്ഞു.
