ഭ​ക്ഷ്യ​സാ​ധ​ന​ങ്ങ​ൾ വി​ല വ​ർ​ധ​ന​യി​ല്ലാ​തെ മാ​ർ​ക്ക​റ്റി​ൽ ല​ഭി​ക്കു​ന്നു​ണ്ടെ​ന്ന്​ ഉ​റ​പ്പാ​ക്കാ​ൻ മ​ന്ത്രി​സ​ഭ യോ​ഗം തീ​രു​മാ​നി​ച്ചു

മ​നാ​മ: ഭ​ക്ഷ്യ​സാ​ധ​ന​ങ്ങ​ൾ വി​ല വ​ർ​ധ​ന​യി​ല്ലാ​തെ മാ​ർ​ക്ക​റ്റി​ൽ ല​ഭി​ക്കു​ന്നു​ണ്ടെ​ന്ന്​ ഉ​റ​പ്പാ​ക്കാ​ൻ മ​ന്ത്രി​സ​ഭ യോ​ഗം തീ​രു​മാ​നി​ച്ചു. റ​മ​ദാ​നി​ലാ​വ​ശ്യ​മാ​യ ഭ​ക്ഷ്യ​വ​സ്​​തു​ക്ക​ൾ ജ​ന​ങ്ങ​ൾ​ക്ക്​ ല​ഭ്യ​മാ​ണെ​ന്ന്​ ഉ​റ​പ്പാ​ക്കാ​ൻ വാ​ണി​ജ്യ, വ്യ​വ​സാ​യ, ടൂ​റി​സം മ​ന്ത്രാ​ല​യ​ത്തെ ചു​മ​ത​ല​​പ്പെ​ടു​ത്തു​ക​യും ചെ​യ്​​തു.

മു​ൻ പ്ര​ധാ​ന​മ​ന്ത്രി പ്രി​ൻ​സ്​ ഖ​ലീ​ഫ ബി​ൻ സ​ൽ​മാ​ൻ ആ​ൽ ഖ​ലീ​ഫ​യു​ടെ നി​ർ​ദേ​ശ​മ​നു​സ​രി​ച്ച്​ എ​ല്ലാ വ​ർ​ഷ​വും ഏ​പ്രി​ൽ അ​ഞ്ച്​ മ​നഃ​സാ​ക്ഷി ദി​ന​മാ​യി ആ​ച​രി​ക്കാ​നു​ള്ള യു.​എ​ൻ തീ​രു​മാ​ന​ത്തി​​ൻറെ വെ​ളി​ച്ച​ത്തി​ൽ ലോ​ക​ത്ത്​ സ്​​നേ​ഹ​വും സ​മാ​ധാ​ന​വും ശ​ക്ത​മാ​ക്കു​ന്ന​തി​നു​ള്ള മൂ​ല്യ​ങ്ങ​ൾ ഊ​ട്ടി​യു​റ​പ്പി​ക്കു​ന്ന​തി​ന്​ മ​ന്ത്രി​സ​ഭ​ ആ​ഹ്വാ​നം ചെ​യ്​​തു. ലോ​കാ​രോ​ഗ്യ ദി​ന​ത്തോ​ട​നു​ബ​ന്ധി​ച്ച്​ ആ​രോ​ഗ്യ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന മു​ഴു​വ​നാ​ളു​ക​ൾ​ക്കും കാ​ബി​ന​റ്റ്​ ആ​ശം​സ​ക​ൾ നേ​ർ​ന്നു. വെ​ല്ലു​വി​ളി​ക​ൾ​ക്ക്​ ന​ടു​വി​ലും ദൗ​ത്യം നി​ർ​വ​ഹി​ക്കു​ന്ന​തി​ൽ ആ​രോ​ഗ്യ മേ​ഖ​ല​യി​ലു​ള്ള​വ​ർ പ്ര​ത്യേ​ക ശ്ര​ദ്ധ പു​ല​ർ​ത്തി​യ​താ​യി യോ​ഗം വി​ല​യി​രു​ത്തി.

ബ​ഹ്​​റൈ​ൻ റോ​യ​ൽ ​നേ​വി സ​ന്ദ​ർ​ശി​ക്കു​ക​യും ബി.​ഡി.​എ​ഫ്​ ന​ട​ത്തി​ക്കൊ​ണ്ടി​രി​ക്കു​ന്ന ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ വി​ല​യി​രു​ത്തു​ക​യും ചെ​യ്​​ത രാ​ജാ​വ്​ ഹ​മ​ദ്​ ബി​ൻ ഈ​സ ആ​ൽ ഖ​ലീ​ഫ​ക്ക് കാ​ബി​ന​റ്റ്​ അം​ഗ​ങ്ങ​ൾ ന​ന്ദി രേ​ഖ​പ്പെ​ടു​ത്തി. ഊ​ർ​ജ മേ​ഖ​ല​യി​ൽ ബ​ഹ്​​റൈ​നു​മാ​യി സ​ഹ​ക​രി​ക്കു​ന്ന​തി​ന്​ മു​ന്നോ​ട്ടു​വ​ന്ന സൗ​ദി ന​ട​പ​ടി​യെ പ്ര​ശം​സി​ച്ചു. ഇ​ക്കാ​ര്യ​ത്തി​ൽ അ​നു​കൂ​ല നി​ല​പാ​ട്​ സ്വീ​ക​രി​ച്ച സൗ​ദി ഭ​ര​ണാ​ധി​കാ​രി കി​ങ്​ സ​ൽ​മാ​ൻ ബി​ൻ അ​ബ്​​ദു​ൽ അ​സീ​സ്​ ആ​ൽ സു​ഊ​ദി​ന്​ ന​ന്ദി രേ​ഖ​പ്പെ​ടു​ത്തു​ക​യും ചെ​യ്​​തു.