അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മുംബൈ: ഐപിഎൽ ക്രിക്കറ്റ് മത്സരത്തിൽ ഇന്ന് ചെന്നൈ സൂപ്പര്‍ കിംഗ്‌സ്-പ‌ഞ്ചാബ് കിംഗ്‌സ് പോരാട്ടമാണ്. സീസണിലെ ആദ്യ രണ്ട് കളികളും തോറ്റ് എത്തുന്ന ചെന്നൈ സൂപ്പര്‍ കിംഗ്‌സ് ശക്തമായ തിരിച്ചുവരവ് പഞ്ചാബിനെതിരെ കാഴ്‌ചവെക്കും എന്നാണ് ആരാധകരുടെ പ്രതീക്ഷ. ഇരു ടീമുകളും തമ്മിലുള്ള മുന്‍ കണക്കുകള്‍ ചെന്നൈക്ക് ഏറെ പ്രതീക്ഷ നല്‍കുന്നതാണ്. എന്നാല്‍ നിലവിലെ സീസണിലെ പ്രകടനം ചെന്നൈയെ ആശങ്കയിൽ ആക്കുന്നു.
ഐപിഎല്ലില്‍ ചെന്നൈയും പഞ്ചാബും മുമ്പ് 26 മത്സരങ്ങളിലാണ് പരസ്‌പരം ഏറ്റുമുട്ടിയിട്ടുള്ളത്. ഇതില്‍ 16 തവണയും ജയം സിഎസ്‌കെയ്‌ക്കൊപ്പം നിന്നു എന്നതാണ് ചരിത്രം. അവസാനം മുഖാമുഖം വന്ന അഞ്ചില്‍ മൂന്ന് വിജയം ചെന്നൈക്കും രണ്ടെണ്ണം പഞ്ചാബിനും ഒപ്പംനിന്നു. കഴിഞ്ഞ സീസണിലെ രണ്ട് മത്സരങ്ങളില്‍ ഓരോ മത്സരങ്ങള്‍ വീതം ഇരു ടീമും വിജയിച്ചു. മെഗാതാരലേലം കഴിഞ്ഞ് വമ്പന്‍ മാറ്റങ്ങളുമായി ടീമുകള്‍ വരുന്നതിനാല്‍ മുന്‍ കണക്കുകള്‍ ഏത് തരത്തിലാകും പ്രതിഫലിക്കുകയെന്ന് കളത്തില്‍ ഇന്ന് കണ്ടു തന്നെയറിയണം.
