അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ദോഹ: 2022 ഖത്തര്‍ ലോകകപ്പ് ഫുട്‌ബോളിന്റെ ഭാഗ്യചിഹ്നം ആഗോള ഫുട്‌ബോള്‍ സംഘടനയായ ഫിഫ പുറത്തിറക്കി. ‘ല ഈബ്’ എന്നാണ് ഭാഗ്യ ചിഹ്നത്തിന്റെ പേര്.
‘പ്രതിഭാധനനായ കളിക്കാരന്‍’ എന്നാണ് ലഈബിന്റെ അർത്ഥം. ലോകകപ്പിലുള്ള ടീമുകളുടെ ഗ്രൂപ്പ് തെരഞ്ഞെടുപ്പ് വേദിയിലാണ് ഭാഗ്യചിഹ്നത്തെ പ്രഖ്യാപിച്ചത്.
അറബി വേഷത്തില്‍ പന്തുതട്ടുന്ന രൂപത്തിലാണ് ഭാഗ്യചിഹ്നം ഡിസൈന്‍ ചെയ്തിരിക്കുന്നത്. 2022 നവംബര്‍ 21 മുതല്‍ ഡിസംബര്‍ 18 വരെയാണ് ലോകകപ്പ് മത്സരങ്ങള്‍ നടക്കുന്നത്.
ലോകകപ്പിന്റെ ഔദ്യോഗിക ഗാനം പുറത്തിറക്കിയിരുന്നു. ‘ഹയ്യാ ഹയ്യാ’ എന്നാണ് ഗാനത്തിന്റെ പേര്. ട്രിനിഡാഡ് കർഡോന,ഡേവിഡോ, ഐഷ എന്നിവർ ചേർന്നാണ് ഗാനം ആലപിച്ചിരിക്കുന്നത്.
