അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കറാച്ചി: ഓസ്ട്രേലിയക്കെതിരായ ഏകദിന പരമ്പര ക്രിക്കറ്റ് രണ്ടാം മത്സരത്തില്‍ പാക്കിസ്ഥാന്റെക്കോര്‍ഡ് വിജയം. ഓസ്ട്രേലിയ ഉയര്‍ത്തിയ 349 റണ്‍സിന്‍റെ കൂറ്റന്‍ വിജയലക്ഷ്യം പാക്കിസ്ഥാന് നാലു വിക്കറ്റ് നഷ്ടത്തില്‍ ഒരോവര്‍ ബാക്കി നിര്‍ത്തി മറികടക്കുകയും ചെയ്തു. ഇതോടെ മൂന്ന് മത്സര പരമ്പരയില്‍ പാക്കിസ്ഥാന് ഓസീസിന് ഒപ്പമെത്തി(1-1). സ്കോര്‍ ഓസ്ട്രേലിയ 50 ഓവറില്‍ 348-8, പാക്കിസ്ഥാന് 49 ഓവറില്‍ 352-4.
ഏകദിന ക്രിക്കറ്റില്‍ പാക്കിസ്ഥാന് പിന്തുടര്‍ന്ന് ജയിക്കുന്ന ഏറ്റവും ഉയര്‍ന്ന സ്കോറാണിത്. ഓപ്പണര്‍ ഇമാമുള്‍ ഹഖിന്‍റെയും ക്യാപ്റ്റന്‍ ബാബര്‍ അസമിന്‍റെയും തകര്‍പ്പന്‍ സെഞ്ചുറികളാണ് പാക്കിസ്ഥാന് അവിശ്വസനീയ ജയമൊരുക്കിയത്. ബാബര്‍ 83 പന്തില്‍ 114 റണ്‍സടിച്ചപ്പോള്‍ ഇമാമുള്‍ ഹഖ് 97 പന്തില്‍ 106 റണ്‍സെടുത്തു. ഓപ്പണിംഗ് വിക്കറ്റില്‍ ഫഖര്‍ സമനൊപ്പം സെഞ്ചുറി കൂട്ടുകെട്ടുയര്‍ത്തിയ ഇമാമുള്‍ ഹഖാണ് പാക് ജയത്തിന് അടിത്തറയിട്ടത്.
