റ​ഷ്യ​ൻ വി​ദേ​ശ​കാ​ര്യ​മ​ന്ത്രി സെ​ർ​ജി ലാ​വ്റോ​വ് ഇ​ന്ത്യ​യി​ലെ​ത്തി; നാളെ പ്രധാനമന്ത്രിയുമായി ചർച്ച

ന്യൂ​ഡ​ൽ​ഹി: യു​ക്രെ​യ്നി​ൽ സൈ​നി​ക നീ​ക്കം തു​ട​രു​ന്ന​തി​നി​ടെ റ​ഷ്യ​ൻ വി​ദേ​ശ​കാ​ര്യ​മ​ന്ത്രി സെ​ർ​ജി ലാ​വ്‌​റോ​വ് ഇ​ന്ത്യ​യി​ലെ​ത്തി. ര​ണ്ട് ദി​വ​സ​ത്തെ സ​ന്ദ​ർ​ശ​ന​ത്തി​നാ​യാ​ണ് സെ​ർ​ജി ലാ​വ്‌​റോ​വ് ഡ​ൽ​ഹി​യി​ലെ​ത്തി​യ​ത്.

സെ​ർ​ജി ലാ​വ്റോ​വ് വെ​ള്ളി​യാ​ഴ്ച പ്ര​ധാ​ന​മ​ന്ത്രി ന​രേ​ന്ദ്ര മോ​ദി, വി​ദേ​ശ​കാ​ര്യ​മ​ന്ത്രി എ​സ്. ജ​യ​ശ​ങ്ക​ർ എ​ന്നി​വ​രു​മാ​യി കൂ​ടി​ക്കാ​ഴ്ച ന​ട​ത്തും. യു​ക്രെ​യ്നി​ലെ റ​ഷ്യ​ൻ അ​ധി​നി​വേ​ശ​ത്തി​നു​ശേ​ഷം ആ​ദ്യ​മാ​യി ഇ​ന്ത്യ​യി​ലെ​ത്തു​ന്ന ഉ​ന്ന​ത റ​ഷ്യ​ൻ നേ​താ​വാ​ണ് ലാ​വ്‌​റോ​വ്.

ബ്രിട്ടീഷ് വിദേശകാര്യമന്ത്രി ലിസ് ട്രൂസിന്റെ സന്ദർശനത്തിനൊപ്പമാണ് ലാവ്‌റോവും ഡൽഹിയിലെത്തിയത്. ചൈനീസ് വിദേശകാര്യമന്ത്രി വാങ് യി കഴിഞ്ഞ ആഴ്ച ഡൽഹിയിലെത്തിയിരുന്നു.

റഷ്യൻ വിദേശകാര്യമന്ത്രി ഇന്ത്യയിലെത്തിയതിൽ യു.എസും ആസ്‌ത്രേലിയയും അതൃപ്തി അറിയിച്ചിരുന്നു. റഷ്യക്കെതിരെ യു.എസും സഖ്യകക്ഷികളും ഏർപ്പെടുത്തിയ ഉപരോധത്തെ പൊളിക്കുന്നതാണ് പുതിയ നീക്കമെന്നാണ് യു.എസിന്റെ വിമർശനം.

റ​ഷ്യ യു​ക്രെ​യ്നി​ൽ സൈ​നി​ക നീ​ക്കം ആ​രം​ഭി​ച്ച​തി​നെ​തി​രെ ലോ​ക​രാ​ജ്യ​ങ്ങ​ൾ രം​ഗ​ത്തെ​ത്തി​യ​പ്പോ​ൾ ഇ​ന്ത്യ റ​ഷ്യ​ക്കെ​തി​രെ വി​മ​ർ​ശ​നം ഉ​ന്ന​യി​ച്ചി​രു​ന്നി​ല്ല. ഐ​ക്യ​രാ​ഷ്ട്ര​സ​ഭ​യി​ൽ റ​ഷ്യ​യെ ത​ള്ളാ​ത്ത നി​ല​പാ​ടാ​ണ് ഇ​ന്ത്യ സ്വീ​ക​രി​ച്ച​ത്.