അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊച്ചി: ഓട്ടോറിക്ഷ കനാലിലേക്ക് മറിഞ്ഞ് ഡ്രൈവർക്ക് ദാരുണാന്ത്യം.രണ്ടാൾ താഴ്ച്ചയും ശകതമായ ഒഴുക്കുമുള്ള കനാലിലേക്കാണ് ഓട്ടോ മറിഞ്ഞത്, ഓട്ടോ കിടന്ന സ്ഥലത്തുനിന്നും നൂറു മീറ്റർ മാറിയാണ് മൃതദേഹം കാണപ്പെട്ടത്. പെരുമ്പാവൂർ നെല്ലിമോളത്ത് കഴിഞ്ഞ രാത്രിയാണ് സംഭവം നടന്നത്. കുരുപ്പപാറ മൂത്തേടത്ത് വീട്ടിൽ മത്തായി (ഗംഗൻ മത്തായി 55) ആണ് മരിച്ചത്. മേതലയിൽ വാടകയ്ക്കു താമസിക്കുകയായിരുന്ന മത്തായിയെ ബുധനാഴ്ച രാത്രി മുതൽ കാണാനില്ലായിരുന്നു.
ഇന്ന് രാവിലെ സമീപവാസികളാണ് കനാലിൽ വാഹനവും മൃതദേഹവും കണ്ടത്. വിവരം അറിഞ്ഞെത്തിയ പെരുമ്പാവൂർ അഗ്‌നിശമനസേനയാണ് മൃതദേഹം പുറത്തെടുത്തത്. തുടർന്നു താലൂക്ക് ആശുപത്രിയിലേക്ക് മാറ്റി.സമീപത്തുള്ള സിസിടിവി കാമറകൾ പരിശോധിച്ചാലാണ് കൂടുതൽ വിവരങ്ങൾ അറിയാനാകുവെന്ന് കേസ് അന്വേഷിക്കുന്ന കുറുപ്പംപടി പോലീസ് പറഞ്ഞു. KL 48 / 58 27 നമ്പർ ഓട്ടോയാണ് കനാലിൽ വീണത്.
