ക​ള​ ശല്യം മൂലം നെ​ൽ കൃ​ഷി ന​ട​ത്തു​ന്ന​വ​ർ വ​ല​യു​ന്നു

നെ​ടു​മ​ങ്ങാ​ട്: ക​ള​ ശല്യം മൂലം നെ​ൽ കൃ​ഷി ന​ട​ത്തു​ന്ന​വ​ർ വ​ല​യു​ന്നു. കാ​ലാ​വ​സ്ഥ വ്യ​തി​യാ​ന​വും ഭീ​മ​മാ​യ ജോ​ലി​ക്കൂ​ലി​യും വ​ന്യ​മൃ​ഗ​ങ്ങ​ളു​ടെ ശ​ല്യ​വും മി​ക്ക​യി​ട​ങ്ങ​ളി​ലെ പാ​ട​ശേ​ഖ​ര​ങ്ങ​ളി​ലു​മു​ണ്ട്. ഇ​തി​നു​​പു​റ​മ​യാ​ണ്​ പു​തി​യ​ത​രം ക​ള​ക​ൾ സൃ​ഷ്ടി​ക്കു​ന്ന ദു​രി​തം വ​ർ​ധി​ച്ച​ത്.

കൃ​ഷി​യി​റ​ക്കു​ന്ന​വ​ർ​ക്ക് മു​ട​ക്കു​മു​ത​ൽ പോ​ലും തി​രി​കെ കി​ട്ടു​ന്നി​ല്ല. ജി​ല്ല​യി​ലെ പ്ര​ധാ​ന ഏ​ലാ​ക​ളി​ലേ​റെ​യും വി​വി​ധ ആ​വ​ശ്യ​ങ്ങ​ൾ​ക്കാ​യി നി​ക​ത്തി​ക്ക​ഴി​ഞ്ഞു. ശേ​ഷി​ക്കു​ന്ന​വ നി​ക​ത്ത​ൽ ഭീ​ഷ​ണി​യി​ലു​മാ​ണ്. ഭൂ​മാ​ഫി​യ പി​ടി​മു​റു​ക്കാ​ത്ത ഏ​ലാ​ക​ൾ കു​റ​വാ​ണ്. അ​തേ​സ​മ​യം ത്രി​ത​ല പ​ഞ്ചാ​യ​ത്തു​ക​ളു​ടെ ഇ​ട​പെ​ട​ലു​ക​ൾ​മൂ​ലം പ​ല​യി​ട​ത്തും ത​രി​ശി​ട്ടി​രു​ന്ന നെ​ൽ​പാ​ട​ങ്ങ​ൾ കൃ​ഷി​യി​റ​ക്ക​ലി​ന് സ​ജ്ജ​മാ​ക്കി​യി​ട്ടു​ണ്ട്.

പാ​ട​ശേ​ഖ​ര സ​മി​തി​ക​ൾ രൂ​പ​വ​ത്​​ക​രി​ച്ച് ക​ർ​ഷ​ക​ർ മു​ന്നോ​ട്ടു​വ​ന്ന​പ്പോ​ൾ അ​വ​രെ സ​ഹാ​യി​ക്കാ​ൻ പ​ല പ​ഞ്ചാ​യ​ത്ത്​ സ​മി​തി​ക​ളും പ​ദ്ധ​തി​ക​ളി​ൽ പ്ര​ത്യേ​ക ഫ​ണ്ടു​ക​ൾ നീ​ക്കി​വെ​ച്ചു.

ചി​ല പ​ഞ്ചാ​യ​ത്തു​ക​ൾ ഹെ​ക്ട​റി​ന് 20000 രൂ​പ​വ​രെ സ​ബ്സി​ഡി​യാ​യി ന​ൽ​കി​യി​രു​ന്നു. ഇ​ത് ക​ണ്ട് വ​യ​ലി​ൽ തി​ട്ട കോ​രി പ​ച്ച​ക്ക​റി​യും മ​റ്റും കൃ​ഷി ചെ​യ്തി​രു​ന്ന​വ​രും നെ​ൽ​കൃ​ഷി​യി​ലേ​ക്ക്​ വ​ന്നു. എ​ന്നാ​ൽ, ര​ണ്ടു​വ​ർ​ഷ​മാ​യി പ​ഞ്ചാ​യ​ത്തു​ക​ൾ സ​ബ്സി​ഡി​ക​ളെ​ല്ലാം നി​ർ​ത്തി.

ഇ​പ്പോ​ൾ അ​വ​ശേ​ഷി​ക്കു​ന്ന​ത് സ​ർ​ക്കാ​ർ ന​ൽ​കു​ന്ന േറാ​യ​ൽ​റ്റി​യാ​ണ്. ഹെ​ക്ട​റൊ​ന്നി​ന് 2000 രൂ​പ​യാ​ണ് സ​ർ​ക്കാ​ർ റോ​യ​ൽ​റ്റി ന​ൽ​കു​ന്ന​ത്. ഇ​ത് വ​ള​രെ കു​റ​വാ​ണെ​ന്നാ​ണ് ക​ർ​ഷ​ക​രു​ടെ പ​രാ​തി.

ഏ​ലാ​ക​ളി​ൽ ക​വ​ട, ഉൗ​ര എ​ന്നീ പേ​രു​ക​ളു​ള്ള ക​ള​ക​ൾ ക​ർ​ഷ​ക​ർ​ക്ക് പു​തി​യ വെ​ല്ലു​വി​ളി​യാ​കു​ന്നു. നെ​ൽ​വി​ത്തി​നൊ​പ്പം വ​ള​രു​ന്ന ഈ ​ക​ള​ക​ൾ ക​ന​ത്ത വി​ള​നാ​ശ​മാ​ണു​ണ്ടാ​ക്കു​ന്ന​ത്. കേ​ര​ള സ്റ്റേ​റ്റ് സീ​ഡ് ഡെ​വ​ല​പ്‌​മെ​ന്റ് അ​തോ​റി​റ്റി​യി​ൽ​നി​ന്ന് കൃ​ഷി​ഭ​വ​നി​ലൂ​ടെ കി​ട്ടു​ന്ന നെ​ൽ​വി​ത്താ​ണ് ക​ർ​ഷ​ക​ർ കൂ​ടു​ത​ലും ഉ​പ​യോ​ഗി​ക്കു​ന്ന​ത്.

ക​ഴി​ഞ്ഞ​ത​വ​ണ കി​ട്ടി​യ ‘ഉ​മ’ വി​ത്തി​ൽ ക​വ​ട​യു​ടെ വി​ത്തു​ക​ളും ക​ല​ർ​ന്നി​രു​ന്നു. ഇ​ത്​ പ​ഞ്ഞ​പ്പു​ല്ലി​ന്റെ (റാ​ഗി) വി​ത്തു​പോ​ലെ ചെ​റു​താ​ണ്. തൈ​ക​ൾ ക​ണ്ടാ​ൽ നെ​ല്ലി​ന്റെ ഞാ​റു​പോ​ലെ​ത​ന്നെ. എ​ന്നാ​ലി​ത് വ​ള​മെ​ല്ലാം വ​ലി​ച്ചെ​ടു​ത്ത് കൂ​ടു​ത​ൽ വ​ള​രും. ഒ​പ്പം നെ​ൽ​ച്ചെ​ടി​ക​ളു​ടെ വ​ള​ർ​ച്ച മു​ര​ടി​ക്കും. ക​വ​ട​യു​ടെ പൂ​ക്കു​ല​യ്ക്ക്​ നേ​രി​യ വ​യ​ല​റ്റ് നി​റ​മാ​ണ്.