അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ജയ്പൂര്‍: ഐപിഎൽ ക്രിക്കറ്റ് മത്സരത്തിൽ ആദ്യ പന്തെറിയാന്‍ ദിവസങ്ങള്‍ മാത്രം ബാക്കിയിരിക്കെ രാജസ്ഥാന്‍ റോയല്‍സിന്‍റെ ഔദ്യോഗിക ട്വിറ്റര്‍ ഹാന്‍ഡില്‍ ഹാക്ക് ചെയ്ത് ക്യാപ്റ്റനായി സ്വയം പ്രഖ്യാപിച്ച യുസ്‌വേന്ദ്ര ചാഹലിന് മറുപടിയും നൽകി ടീമിന്‍റെ യഥാര്‍ത്ഥ നായകന്‍ മലയാളി താരം സഞ്ജു സാംസണ്‍. ഇന്നലെയാണ് ഒരു ദിവസത്തേക്ക് ചാഹലിനെ രാജസ്ഥാന്‍ റോയല്‍സിന്‍റെ ട്വിറ്റര്‍ ഹാന്‍ഡിലിന്‍റെ അഡ്മിൻ ആക്കിയത്. കിട്ടിയ അവസരം മുതലാക്കി ചാഹലിനെ രാജസ്ഥാന്‍റെ പുതിയ നായകനായി തെരഞ്ഞെടുത്തുവെന്ന് ഔദ്യോഗിക ട്വിറ്റര്‍ ഹാന്‍ഡിലില്‍ ചാഹലിട്ട ട്വിറ്റെർ മുഴുവൻ ആരാധകരെയും അമ്പരപ്പിച്ചു.
ചാഹലിന് അഭിനന്ദങ്ങള്‍ അറിയിച്ച് സഞ്ജു സാംസണും ട്വീറ്റിന് താഴെ മറുപടി നൽകുകയും ചെയ്തു. ഇതിന് അസൂയ, അസൂയ എന്നായിരുന്നു ചാഹലിന്‍റെ മറുപടി. രാജസ്ഥാന്‍റെ ഔദ്യോഗിക ട്വിറ്റര്‍ ഹാന്‍ഡിലില്‍ നിന്ന് പിന്നീടുവന്ന ട്വീറ്റുകള്‍ കണ്ട ആരാധകര്‍ അന്തം വിട്ടെങ്കിലും പിന്നീടാണ് അവര്‍ക്ക് സംഗതി പിടികിട്ടിയത്. ഇതെല്ലാം ചാഹലിന്‍റെ പണിയാണെന്ന്.
