അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ശ്രീലങ്കക്കെതിരായ രണ്ടാം ക്രിക്കറ്റ് ടെസ്റ്റിൽ പുതിയൊരു റെക്കോർഡ് കുറിച്ച് ഇന്ത്യന്‍ പേസ് ബൗളർ ജസ്പ്രീത് ബുംറ. ഏറ്റവും കുറവ് മത്സരങ്ങളിൽ നിന്ന് എട്ട് തവണ അഞ്ച് വിക്കറ്റ് നേട്ടമെന്ന മുൻ ഇന്ത്യൻ ക്യാപ്റ്റൻ കപിൽദേവിന്‍റെ റെക്കോർഡിനൊപ്പം ബുംറ എത്തി.
വെറും 29 ടെസ്റ്റ് മത്സരങ്ങളിൽ നിന്നാണ് ബുംറ എട്ട് തവണ അഞ്ച് വിക്കറ്റ് നേട്ടം കരസ്ഥമാക്കിയത്. മുമ്പ് 29 ടെസ്റ്റ് മത്സരങ്ങളിൽ നിന്ന് കപിൽദേവും ഈ നേട്ടം കരസ്ഥമാക്കിയിരുന്നു.
ഒന്നാമിന്നിംഗ്‌സിൽ അഞ്ച് വിക്കറ്റ് നേട്ടം കരസ്ഥമാക്കിയ ബുംറയുടെ മികവിൽ ഇന്ത്യ ശ്രീലങ്കയെ തകര്‍ത്തത്. പത്തോവറിൽ 24 റൺസ് വഴങ്ങിയാണ് ബുംറ അഞ്ച് വിക്കറ്റ് നേട്ടം കരസ്ഥമാക്കിയത്.
ആദ്യമായാണ് ബുംറ ഇന്ത്യൻ മണ്ണിൽ വച്ച് ടെസ്റ്റ് ക്രിക്കറ്റിൽ അഞ്ച് വിക്കറ്റ് നേട്ടം കരസ്ഥമാക്കുന്നത്. ഇതിന് മുമ്പ് രണ്ട് തവണ ഇംഗ്ലണ്ടിനോടും ദക്ഷിണാഫ്രിക്കയോടും വെസ്റ്റിൻഡീസിനോടും ഈനേട്ടം കരസ്ഥമാക്കിയപ്പോൾ ആസ്‌ട്രേലിയക്കെതിരെ ഒരു തവണ അഞ്ച് വിക്കറ്റ് നേട്ടം കരസ്ഥമാക്കിയിട്ടുണ്ട്.
