‘ദൈവത്തിന്‍റെ നാമത്തിൽ ആ​വ​ശ്യ​പ്പെ​ടു​ക​യാ​ണ്- ഈ കൂട്ടക്കൊല അവസാനിപ്പിക്കൂ’ – വ്‌ളാഡിമിർ പുടിന് മാർപാപ്പയുടെ സന്ദേശം

വ​ത്തി​ക്കാ​ൻ: ​യുക്രെയ്‌നിലെ ‘കൂട്ടക്കൊല’ അവസാനിപ്പിക്കാൻ റ​ഷ്യ​ൻ പ്രസിഡന്റ് വ്‌ളാഡിമിർ പുടിനോട് ആഹ്വാനം ചെയ്ത് ഫ്രാൻസിസ് മാർപാപ്പ. യു​ക്രെ​യ്നി​ലെ റ​ഷ്യ​ൻ ആ​ക്ര​മ​ണ​ത്തെ ശ​ക്ത​മാ​യി അ​പ​ല​പി​ച്ച മാ​ർ​പാ​പ്പ, ബോം​ബ് ഇ​ടു​ന്ന​തും ആ​ക്ര​മ​ണ​ങ്ങ​ളും നിര്‍ത്തണമെന്ന് ആവശ്യപ്പെട്ടു.

വ​ത്തി​ക്കാ​നി​ലെ സെ​ന്‍റ് പീ​റ്റേ​ഴ്സ് സ്ക്വ​യ​റി​ൽ ഞാ​യ​റാ​ഴ്ച​ത്തെ ബ​ലി​യ​ർ​പ്പ​ണ വേ​ള​യി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ദൈ​വ​നാ​മ​ത്തി​ൽ ആ​വ​ശ്യ​പ്പെ​ടു​ക​യാ​ണ്, ഈ കൂട്ടക്കൊല അവസാനിപ്പിക്കൂ.

കു​ട്ടി​ക​ളു​ടെ ആ​ശു​പ​ത്രി​ക​ൾ​ക്കും സി​വി​ലി​യ​ൻ​മാ​ർ​ക്കും നേ​രെ​യു​ള്ള ബോം​ബാ​ക്ര​മ​ണം അ​പ​രി​ഷ്‌​കൃ​ത​മാ​ണ്. ഇ​തി​ന് സാ​ധു​വാ​യ കാ​ര​ണ​ങ്ങ​ളൊ​ന്നു​മി​ല്ലെ​ന്നും മാ​ർ​പാ​പ്പ പ​റ​ഞ്ഞു.

ബോംബാക്രമണങ്ങളും മറ്റ് ആക്രമണങ്ങളും അവസാനിപ്പിക്കാനും മാനുഷിക ഇടനാഴികൾ സുരക്ഷിതമാണെന്ന് ഉറപ്പാക്കണമെന്നും അദ്ദേഹം ആവശ്യപ്പെട്ടു.

12 ദിവസത്തെ ഉപരോധത്തിനിടെ 1500-ലധികം ആളുകൾ മരിയുപോളിൽ മരിച്ചു. മരിച്ചവരെ കൂട്ടക്കുഴിമാടങ്ങളിൽ അടക്കാനുള്ള ശ്രമങ്ങളെ പോലും ഷെല്ലാക്രമണം തടസ്സപ്പെടുത്തിയതായി മേയറുടെ ഓഫീസ് അറിയിച്ചു.

സംഘർഷ മേഖലകളിൽ നിന്ന് മാനുഷിക ഇടനാഴികൾ വഴി ഏകദേശം 125,000 ആളുകളെ ഒഴിപ്പിച്ചതായി ഞായറാഴ്ച ഒരു വീഡിയോ പ്രസംഗത്തിൽ യുക്രെയ്ൻ പ്രസിഡന്റ് വോളോഡിമർ സെലെൻസ്‌കി പറഞ്ഞു.

400,000-ത്തിലധികം ആളുകൾ കുടുങ്ങിക്കിടക്കുന്ന തുറമുഖ നഗരത്തിൽ നിന്ന് 50 മൈൽ (80 കിലോമീറ്റർ) മാത്രം അകലെയാണ് ഒരു മാനുഷിക വിതരണ വാഹനവ്യൂഹം ഇപ്പോൾ ഉള്ളതെന്നും അദ്ദേഹം പറഞ്ഞു.