അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
സുസുക്കിയും ടൊയോട്ടയും ഇന്ത്യൻ വിപണിയിൽ ഒരു പുതിയ ഇടത്തരം എസ്‌യുവിയുടെ പണിപ്പുരയിലെന്ന് റിപ്പോർട്ടുകൾ. D22 എന്ന കോഡുനാമത്തിലുള്ള പുതിയ ടൊയോട്ട എസ്‌യുവി 2022 പകുതിയോടെ അവതരിപ്പിക്കുമെന്നാണ് റിപ്പോർട്ടുകള്‍ പുറത്തുവരുന്നത്. കൂടാതെ, ഇന്ത്യയ്ക്കും ആഗോള വിപണികൾക്കുമായി ഒരു പുതിയ ഇലക്ട്രിക് എസ്‌യുവിയിലും ഈ സംയുക്ത സംരംഭം പ്രവർത്തിക്കുന്നു. കൂടാതെ, ഇന്ത്യൻ വിപണിയിൽ 560B എന്ന കോഡ് നാമത്തില്‍ ടൊയോട്ട ഒരു പുതിയ സി-സെഗ്‌മെന്റ് MPV-യിലും പ്രവർത്തിക്കുന്നുണ്ട്.
2022 അവസാനത്തോടെ പുതിയ ഇടത്തരം എസ്‌യുവി പുറത്തിറക്കും. പുതിയ മോഡലിന് രണ്ട് പതിപ്പുകൾ ഉണ്ടായിരിക്കും. അതായത് മാരുതി സുസുക്കിക്കും ടൊയോട്ടയ്ക്കും ഓരോന്ന് വീതം. രണ്ട് മോഡലുകൾക്കും വ്യത്യസ്തമായ ഡിസൈനുകളും ഇന്റീരിയറുകളും ഉണ്ടായിരിക്കും. എന്നിരുന്നാലും, എസ്‌യുവികൾ ബോഡി പാനലുകളും സവിശേഷതകളും പങ്കിടും. പുതിയ ഇടത്തരം എസ്‌യുവി ടൊയോട്ടയുടെ കർണാടകയിലെ ബിദാദിയിലുള്ള പ്ലാന്റിൽ നിർമ്മിക്കുമെന്നാണ് റിപ്പോർട്ടുകൾ പുറത്തുവരുന്നത് .
