“ഭയം ഒരു തിരഞ്ഞെടുപ്പാണ്. നമ്മൾ എന്തിനെയോ ഭയപ്പെടുമ്പോൾ, നമ്മൾ അതിനെ ഭയപ്പെടാൻ തീരുമാനിക്കുന്നു; രാഹുൽഗാന്ധിയുടെ വാക്കുകൾ ട്വീറ്റ് ചെയ്ത് കോൺഗ്രസ്

ദില്ലി: രാജ്യത്തെ അഞ്ച് സംസ്ഥാനങ്ങളിൽ നടന്ന തെരഞ്ഞെടുപ്പിൽ (Assembly Election Results 2022) വൻ തോൽവിയാണ് കോൺഗ്രസ് (Congress) നേരിട്ടത്. യുപിയിൽ വൻ പ്രചാരണം നടത്തിയിട്ടും പച്ചതൊടാൻ സാധിക്കാത്ത കോൺഗ്രസിന്. ഭരണം ഉണ്ടായിരുന്ന പഞ്ചാബിൽ കോൺഗ്രസ് ശരിക്കും തൂത്തെറിയപ്പെട്ടപ്പോൾ. ഗോവയിലും ഉത്തരാഖണ്ഡിലും മണിപ്പൂരിലും വലിയ പ്രതീക്ഷകളും അവശേഷിച്ചിക്കുന്നില്ല.

കനത്ത പരാജയം സംബന്ധിച്ച് കോൺഗ്രസ് നേതാക്കൾ ഒന്നും പ്രതികരണം നടത്തിയില്ലെങ്കിലും. കോൺഗ്രസിൻറെ ഔദ്യോഗിക ട്വിറ്റർ ഹാൻറലിൽ മിനുട്ടുകൾക്ക് മുൻപ് വന്ന ട്വീറ്റാണ് കൌതുകം ഉയർത്തുന്നത്. രാഹുലിൻറെ വാക്കുകളാണ് കോൺഗ്രസ് ട്വീറ്റ് ചെയ്തിരിക്കുന്നത്.

രാഹുലിൻറെ പ്രസംഗത്തിൻറെ ഒരു ഭാഗമാണ് ട്വീറ്റിൽ ഉള്ളത്, ട്വീറ്റിൽ പറയുന്നു. “ഭയം ഒരു തിരഞ്ഞെടുപ്പാണ്. നമ്മൾ എന്തിനെയോ ഭയപ്പെടുമ്പോൾ, നമ്മൾ അതിനെ ഭയപ്പെടാൻ തീരുമാനിക്കുന്നു. പേടിക്കേണ്ടി വരുമെന്ന് ബോധപൂർവം തീരുമാനിക്കുന്നു. എന്നാൽ മറ്റൊരു തീരുമാനമുണ്ട്: നിങ്ങൾക്ക് തിരിഞ്ഞുനോക്കാം, എനിക്ക് ഭയമില്ലെന്ന് പറയാം. നിങ്ങൾ എന്ത് ചെയ്താലും എനിക്ക് പേടിയില്ല’ – രാഹുലിൻറെ ഈ വാക്കുകളാണ് കോൺഗ്രസ് ട്വീറ്റ് ചെയ്തിരിക്കുന്നത്. 

Fear is a choice. When we’re scared of something, we are choosing to be scared of it. We consciously decide that we’re going to be scared.

But there is also another decision: You can turn around & say I’m not scared.

No matter what you do, I am not scared.: Shri @RahulGandhi pic.twitter.com/Av1mgtP8UC

— Congress (@INCIndia) March 10, 2022