അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂഡൽഹി: ഉത്തർപ്രദേശ്, ഉത്തരാഖണ്ഡ്, പഞ്ചാബ്, മണിപ്പൂർ, ഗോവ എന്നീ സംസ്ഥാനങ്ങളിൽ വോട്ടെണ്ണൽ തുടങ്ങി. രാവിലെ എട്ട് മുതലാണ് വോട്ടുകൾ എണ്ണി തുടങ്ങിയത്. തപാൽവോട്ടുകളാണ് ആദ്യമെണ്ണുന്നത്. ആദ്യ ഫല സൂചനകൾ ബിജെപിയ്‌ക്ക് അനുകൂലമാണ്. ഉത്തർപ്രദേശിലും ഉത്തരാഖണ്ഡിലും മണിപ്പൂരിലും ബിജെപി മുന്നിലാണ്.
ഉത്തർപ്രദേശിലെ ആദ്യ ഫലസൂചനകൾ പുറത്തുവരുമ്പോൾ സമാജ്‌വാദി പാർട്ടിയെ പിന്നിലാക്കി ബിജെപി ലീഡ് നില ഉയർത്തി. ഉത്തർപ്രദേശിൽ ബിജെപിയുടെ ലീഡ് നില 100 കടന്നു. പശ്ചിമ യുപിയിൽ അടക്കം ബിജെപി മുന്നിലാണ്. സമാജ് വാദി പാർട്ടി 40 സീറ്റുകളാണ് നേടിയിരിക്കുന്നത്. പഞ്ചാബിലും ഇഞ്ചോടിഞ്ച് പോരാട്ടമാണ് നടക്കുന്നത്. ഇവിടെ കോൺഗ്രസിനെ പിന്നിലാക്കി ആംആദ്മി പാർട്ടി ലീഡ് നില ഉയർത്തി. ഉത്തരാഖണ്ഡിൽ 28 സീറ്റ് മുന്നിലാണ് ബിജെപി. മണിപ്പൂരിൽ ബിജെപി രണ്ട് സീറ്റ് മുന്നിലാണ്.
ഉത്തർപ്രദേശിൽ 403 സീറ്റുകളിലേക്കും പഞ്ചാബിൽ 117 സീറ്റുകളിലേക്കും ഉത്തരാഖണ്ഡിൽ 70 സീറ്റുകളിലേക്കും മണിപ്പുരിൽ 60 സീറ്റുകളിലേക്കും ഗോവയിൽ 40 സീറ്റുകളിലേക്കുമാണ് തിരഞ്ഞെടുപ്പ് നടന്നത്.
