അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രഭാസ് ചിത്രം രാധേ ശ്യാം ഈ മാസം 11-ന് തിയറ്ററുകളിൽ എത്താനിരിക്കെ ആരാധകർക്ക് ചിത്രത്തിന്റെ എൻഎഫ്ടികൾ സ്വന്തമാക്കാൻ അവസരമൊരുക്കി നിർമാതാക്കൾ. പ്രഭാസിന്റെ ഡിജിറ്റൽ ഒപ്പോടുകൂടിയ താരത്തിന്റെ ഇതുവരെ കണ്ടിട്ടില്ലാത്ത ചിത്രങ്ങൾ, ചിത്രത്തിൽ നിന്നുള്ള 3ഡി അനിമേറ്റഡ് ഡിജിറ്റൽ ആർട്ട്, ചിത്രത്തിൽ പ്രഭാസ് ഓടിച്ച ആഡംബര കാറിൽ താരം നിൽക്കുന്നതിന്റെ 3ഡി അനിമേറ്റഡ് വസ്തുക്കൾ തുടങ്ങിയ വസ്തുക്കളാണ് വിൽപനയ്ക്ക് വെയ്ക്കുക. ചൊവ്വാഴ്ച (മാർച്ച് 8) ngagen.com/uvcreations എന്ന വെബ്‌സൈറ്റിലൂടെയാണ് ഇവ വാങ്ങാൻ അവസരം ലഭിക്കുക. ആരാധകർക്ക് ഇവ രാധേശ്യാമിന്റെ ആജീവനാന്ത സ്മരണികയായി സൂക്ഷിക്കാവുന്നതാണ്. എൻഎഫ്ടി വാങ്ങുന്നവരിൽ നിന്നും തെരഞ്ഞെടുക്കുന്ന 100 പേർക്ക് പ്രഭാസിനെ നേരിൽ കാണാൻ അവസരമുണ്ടാകും. കൂടുതൽ എൻഎഫ്ടികൾ വാങ്ങുന്നവർക്ക് ഈ 100 പേരിൽ ഇടം പിടിക്കാനുള്ള സാധ്യത കൂടും.
ഹസ്തരേഖ വിദഗ്ദ്ധനായ വിക്രമാദിത്യയായി പ്രഭാസ് എത്തുന്ന രാധ്യേശ്യാമിൽ പ്രേരണയായി വേഷമിടുന്നത് പൂജ ഹെഗ്‌ഡെയാണ്. ഇരുവരും തമ്മിലുള്ള കെമിസ്ട്രിയാണ് ചിത്രത്തിന്റെ ഹൈലൈറ്റ്. യുവി ക്രിയേഷൻ, ടി – സീരീസ് ബാനറിൽ ഭൂഷൺ കുമാർ, വാംസി, പ്രമോദ് എന്നിവർ ചേർന്ന് നിർമ്മിച്ച ചിത്രത്തിന്റെ സംവിധാനം നിർവഹിച്ചിരിക്കുന്നത് രാധാ കൃഷ്ണകുമാറാണ്. ചിത്രത്തിൽ സച്ചിൻ ഖേദേക്കർ, ഭാഗ്യശ്രീ, പ്രിയദർശി, മുരളി ശർമ, സാശാ ചേത്രി, കുനാൽ റോയ് കപൂർ എന്നിവരും പ്രധാന വേഷം കൈകാര്യം ചെയ്യുന്നുണ്ട്. രാധേശ്യാമിലെ മനോഹരമായ ഗാനങ്ങൾ ചിട്ടപ്പെടുത്തിയിരിക്കുന്നത് ജസ്റ്റിൻ പ്രഭാകറാണ്. ഛായാഗ്രഹണം: മനോജ് പരമഹംസ, എഡിറ്റിംഗ്: കോട്ടഗിരി വെങ്കിടേശ്വര റാവു,ആക്ഷൻ: നിക്ക് പവൽ,ശബ്ദ രൂപകൽപ്പന: റസൂൽ പൂക്കുട്ടി,നൃത്തം: വൈഭവി,കോസ്റ്റ്യൂം ഡിസൈനർ: തോട്ട വിജയഭാസ്‌കർ,ഇഖ ലഖാനി, എക്സിക്യൂട്ടീവ് പ്രൊഡ്യൂസർ- എൻ. സന്ദീപ്.
