‘മറ്റു രാ​ജ്യ​ങ്ങ​ൾ​ക്ക് സാ​ധി​ച്ചി​ല്ല, എ​ന്നാ​ൽ നമുക്ക് അതിനായി..’: യുക്രൈൻ രക്ഷാ ദൗത്യം വിജയകരമെ​ന്ന് പ്ര​ധാ​ന​മ​ന്ത്രി

ന്യൂ​ഡ​ൽ​ഹി: യുക്രൈൻ രക്ഷാ ദൗത്യം വിജയകരമായിരുന്നുവെന്നും മറ്റുരാജ്യങ്ങൾക്ക് സാധിക്കാത്തത് നം നടത്തിയെന്നും പ്രധാനമന്ത്രി നരേന്ദ്രമോദി. ആ​ഗോ​ള​ത​ല​ത്തി​ല്‍ വ​ര്‍​ധി​ച്ചു​വ​രു​ന്ന ഇ​ന്ത്യ​യു​ടെ സ്വാ​ധീ​ന​ത്തി​ന്‍റെ അ​ട​യാ​ള​മാ​ണ് ഈ ​വി​ജ​യ​മെ​ന്നും പൂ​നെ​യി​ലെ സിം​ബ​യോ​സി​സ് യൂ​ണി​വേ​ഴ്‌​സി​റ്റി​യി​ല്‍ ന​ട​ന്ന ച​ട​ങ്ങി​ൽ മോ​ദി പ​റ​ഞ്ഞു.

ന​മ്മ​ള്‍ കോ​വി​ഡി​നെ ഫ​ല​പ്ര​ദ​മാ​യാ​ണ് പ്ര​തി​രോ​ധി​ച്ച​ത്. ഇ​നി യു​ക്രെ​യ്നി​ലെ പ്ര​തി​സ​ന്ധി​യാ​ണ്. വ​ലി​യ രാ​ജ്യ​ങ്ങ​ള്‍​ക്ക് അ​വ​രു​ടെ പൗ​ര​ന്‍​മാ​രെ യു​ക്രെ​യ്നി​ൽ നി​ന്നും ഒ​ഴി​പ്പി​ക്കാ​നാ​വാ​ത്ത സാ​ഹ​ച​ര്യ​ത്തി​ല്‍ ന​മ്മു​ടെ പൗ​ര​ന്മാ​രെ സു​ര​ക്ഷി​ത​മാ​യി തി​രി​ച്ചെ​ത്തി​ക്കാ​ന്‍ ന​മു​ക്ക് സാ​ധി​ച്ചു. ഇ​ന്ത്യ​യു​ടെ വ​ര്‍​ധി​ച്ചു​വ​രു​ന്ന സ്വാ​ധീ​ന​ത്താ​ലാ​ണ് ഇ​തൊ​ക്കെ സം​ഭ​വി​ച്ച​തെ​ന്ന് മോ​ദി പ​റ​ഞ്ഞു.

ആയിരക്കണക്കിന് ആളുകളെ ഇതിനോടകം തന്നെ ഒഴിപ്പിച്ചുവെന്നും അദ്ദേഹം പറഞ്ഞു. 15,900 ഇന്ത്യക്കാരെ ഓപ്പറേഷൻ ഗംഗ വഴി തിരിച്ചെത്തിച്ചെന്നും ഇന്ന് എത്തിയത് 2195 പേരാണെന്നും കേന്ദ്രസർക്കാർ അറിയിച്ചു. നാളെ എട്ടു വിമാനങ്ങളിലായി 1500 പേരെ തിരികെ എത്തിക്കുമെന്നും അറിയിച്ചു. യുക്രൈനിൽ അവശേഷിക്കുന്ന ഇന്ത്യക്കാർ ഉടൻ ബന്ധപ്പെടണമെന്ന എംബസി അറിയിച്ചു. വിദ്യാർഥികളുടെ പേരും ലൊക്കേഷനും ഉൾപ്പെടെ എംബസി നൽകിയ രജിസ്റ്ററിൽ രേഖപ്പെടുത്തി മെയിൽ ചെയ്യണമെന്നും അടിയന്തരമായി എംബസിയുമായി ബന്ധപ്പെടണമെന്നും നിർദേശം നൽകി.