ഖേഴ്‌സൻ പിടിച്ചെടുത്ത് റഷ്യ; ആ​ണ​വ​യു​ദ്ധം പാ​ശ്ചാ​ത്യ​രുടെ ആഗ്രഹം, തങ്ങളുടെ ചിന്തയിൽ പോലുമില്ലെന്ന് റഷ്യൻ വിദേശകാര്യ മന്ത്രി

മോ​സ്കോ: ആ​ണ​വ​യു​ദ്ധം ആ​ഗ്ര​ഹി​ക്കു​ന്ന​ത് പാ​ശ്ചാ​ത്യ രാ​ജ്യ​ങ്ങ​ളാ​ണെ​ന്നും റ​ഷ്യ​യു​ടെ ത​ല​യി​ൽ കെ​ട്ടി​വ​യ്ക്കേ​ണ്ടെ​ന്നും റ​ഷ്യ​ന്‍ വി​ദേ​ശ​കാ​ര്യ​മ​ന്ത്രി സെ​ര്‍​ജി ല​വ്റോ​വ്. മാ​ധ്യ​മ​ങ്ങ​ളു​മാ​യി ഓ​ൺ​ലൈ​ൻ അ​ഭി​മു​ഖ​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. 

റഷ്യയുടേത് പരിമിതമായ ആവശ്യങ്ങൾ മാത്രമാണെന്നും യുക്രൈനുമായുള്ള പ്രശ്നങ്ങൾക്ക് പരിഹാരം കാണാൻ സാധിക്കുമെന്നാണ് കരുതുന്നതെന്നും അദ്ദേഹം വിദേശ മാധ്യമങ്ങളോട് പ്രതികരിച്ചു. റഷ്യ- യുക്രൈൻ രണ്ടാംഘട്ട സമാധാന ചർച്ച ഇന്ന് വൈകീട്ട് നടക്കാനിരിക്കെയാണ് റഷ്യൻ വിദേശകാര്യമന്ത്രിയുടെ പ്രതികരണം. 

ആ​ണ​വ​യു​ദ്ധം എ​ന്ന ആ​ശ​യം നി​ര​ന്ത​രം ക​റ​ങ്ങു​ന്ന​ത് പാ​ശ്ചാ​ത്യ രാ​ഷ്ട്രീ​യ​ക്കാ​രു​ടെ ത​ല​യി​ലാ​ണ്. അ​ത് ത​ങ്ങ​ളു​ടെ ത​ല​യി​ൽ​കെ​ട്ടി​വ​യ്ക്കേ​ണ്ട. മൂ​ന്നാം​ലോ​ക യു​ദ്ധ​മു​ണ്ടാ​യാ​ൽ അ​ത് ആ​ണ​വ​യു​ദ്ധ​മാ​യി​രി​ക്കു​മെ​ന്നും ല​വ്റോ​വ് പ​റ​ഞ്ഞു. ഫ്ര​ഞ്ച് ച​ക്ര​വ​ർ​ത്തി​യാ​യി​രു​ന്ന നെ​പ്പോ​ളി​യ​നു​മാ​യും ജ​ർ​മ​ൻ ഏ​കാ​ധി​പ​തി അ​ഡോ​ൾ​ഫ് ഹി​റ്റ്‌​ല​റു​മാ​യും അ​ദ്ദേ​ഹം അ​മേ​രി​ക്ക​യെ താ​ര​ത​മ്യം ചെ​യ്തു.

അ​വ​രു​ടെ കാ​ല​ത്ത്, നെ​പ്പോ​ളി​യ​നും ഹി​റ്റ്ല​റും യൂ​റോ​പ്പി​നെ കീ​ഴ​ട​ക്കാ​ൻ സ്വ​യം തു​നി​ഞ്ഞി​റ​ങ്ങി. ഇ​പ്പോ​ൾ അ​മേ​രി​ക്ക​യാ​ണ് അ​ത് ഏ​റ്റെ​ടു​ത്തി​രി​ക്കു​ന്ന​ത്- റ​ഷ്യ​ൻ വി​ദേ​ശ​കാ​ര്യ​മ​ന്ത്രി ആ​രോ​പി​ച്ചു.

അതേസമയം, യുക്രൈൻ നഗര ഭരണ കേന്ദ്രമായ ഖേഴ്‌സൻ നഗരം റഷ്യൻ സൈന്യം പിടിച്ചെടുത്തു. നീപർ നദി തീരത്തെ പ്രധാന നഗരമാണ് കേഴ്സൻ. കരിങ്കടലിൽ നിന്നും യുക്രൈൻ തലസ്ഥാനമായ കീവിലേക്കുള്ള പാതയും റഷ്യ കീഴടക്കി. യുക്രൈനിൽ കടന്ന റഷ്യൻ സൈന്യം എട്ട് ദിവസത്തിന് ശേഷമാണ്  കേഴ്സൻ നഗരം പിടിച്ചെടുത്തത്. എന്നാൽ റഷ്യയുടെ ഉന്നത സൈനിക ഉദ്യോഗസ്ഥനെ വധിച്ചെന്നും റഷ്യൻ വിമാനം വീഴ്ത്തിയെന്നും യുക്രൈനും അവകാശപ്പെട്ടു.