ന​വീ​ൻ കൊ​ല്ല​പ്പെ​ട്ട​ത് ഭ​ക്ഷ​ണം വാ​ങ്ങാ​ൻ വരിനിൽക്കുമ്പോൾ; പു​റ​ത്തു​പോ​കു​ന്ന​തി​ന് മുൻപ് പിതാവുമായി സംസാരിച്ചു

കീവ്: യുക്രൈനിലെ ഖാർകിവിൽ റഷ്യൻ ആക്രമണത്തിൽ കൊല്ലപ്പെട്ട ഇന്ത്യൻ വിദ്യാർത്ഥി നവീൻ ശേഖരപ്പ ഗ്യാനഡൗഡറിന്റെ മരണത്തെക്കുറിച്ച് കൂടുതൽ വിവരങ്ങൾ പുറത്ത്. ഖാർകിവിൽ രാവിലെ ഒരു സൂപ്പർമാർക്കറ്റിൽ ഭക്ഷണം വാങ്ങാനായി വരിനിൽക്കുന്നതിനിടെയാണ് ഷെല്ലാക്രമണമുണ്ടായതെന്നാണ് വിവരം. 

ബ​ങ്ക​റി​ൽ​നി​ന്നും പു​റ​ത്തു​പോ​കു​ന്ന​തി​നു മു​ൻ​പ് ന​വീ​ൻ പി​താ​വ് ശേ​ഖ​ർ ഗൗ​ഡ​യു​മാ​യി സം​സാ​രി​ച്ചി​രു​ന്നു. ക​ർ​ണാ​ട​ക​യി​ൽ നി​ന്നു​ള്ള മ​റ്റ് ചി​ല​ർ​ക്കൊ​പ്പം താ​ൻ ഒ​ളി​ച്ചി​രി​ക്കു​ന്ന ബ​ങ്ക​റി​ൽ ഭ​ക്ഷ​ണ​വും വെ​ള്ള​വും തീ​ർ​ന്നു​പോ​യെ​ന്ന് ന​വീ​ൻ പി​താ​വി​നോ​ട് പ​റ​ഞ്ഞു. ഭ​ക്ഷ​ണം വാ​ങ്ങാ​ൻ പു​റ​ത്തു​പോ​കു​ക​യാ​ണെ​ന്നും ന​വീ​ൻ പി​താ​വി​നെ അ​റി​യി​ച്ചി​രു​ന്നു.

ഭക്ഷണം കഴിക്കാന്‍ വേണ്ടി മാത്രമാണ് നവീന്‍ പുറത്തേക്ക് പോയതെന്ന് ഖാര്‍ക്കീവിലെ സ്റ്റുഡന്റ് കോര്‍ഡിനേറ്ററായ പൂജ പ്രഹരാജിനെ ഉദ്ധരിച്ച് എന്‍ഡിടിവി റിപ്പോര്‍ട്ട് ചെയ്തു. ഹോസ്റ്റലിലെ മറ്റുള്ള വിദ്യാര്‍ഥികള്‍ക്ക് തങ്ങള്‍ ഭക്ഷണം എത്തിച്ച് നല്‍കിയിരുന്നുവെന്നും എന്നാല്‍ നവീന്‍ ഗവര്‍ണര്‍ ഹൗസിന് തൊട്ടുപിന്നിലെ ഒരു ഫ്‌ലാറ്റിലാണ് താമസിച്ചിരുന്നതെന്നും പൂജ പറഞ്ഞു.

നവീന്‍ രണ്ട് മണിക്കൂറോളം ക്യൂവില്‍ നിന്നു. പെട്ടെന്ന് ഒരു വ്യോമാക്രമണം ഉണ്ടാകുകയും ഗവര്‍ണര്‍ ഹൗസ് തകരുകയും അവന്‍ കൊല്ലപ്പെടുകയും ചെയ്തു. ഒരു യുക്രൈന്‍ വനിത നവീന്റെ ഫോണ്‍ എടുത്തപ്പോഴാണ് മരണ വാര്‍ത്ത അറിഞ്ഞത്. ഫോണ്‍ എടുത്ത സ്ത്രീ ഈ ഫോണിന്റെ ഉടമയെ മോര്‍ച്ചറിയിലേക്ക് കൊണ്ടുപോകുകയാണെന്ന് പറഞ്ഞു, പൂജ കൂട്ടിച്ചേര്‍ത്തു.

എന്നാല്‍, നവീല്‍ കൊല്ലപ്പെട്ടതിനേക്കുറിച്ച് സുഹൃത്ത് ശ്രീധരന്‍ ഗോപാലകൃഷ്ണന്‍ ഇക്കാര്യത്തില്‍ വേറിട്ട വിവരമാണ് പങ്കുവെച്ചത്. നവീനെ അവസാനമായി കണ്ടത് രാവിലെ 8.30 ഓടെയാണെന്നും ശ്രീധരന്‍ ഗോപാലകൃഷ്ണന്‍ വ്യക്തമാക്കി.

‘യുക്രൈന്‍ സമയം രാവിലെ 10.30 ഓടെയാണ് നവീന്‍ വെടിയേറ്റ് മരിച്ചത്. പലചരക്ക് കടയ്ക്ക് മുന്നില്‍ ക്യൂവില്‍ നില്‍ക്കുകയായിരുന്നു അദ്ദേഹം. റഷ്യന്‍ സൈന്യം ആളുകള്‍ക്ക് നേരെ വെടിയുതിര്‍ക്കുകയായിരുന്നു. നവീന്റെ മൃതദേഹത്തെക്കുറിച്ച് ഞങ്ങള്‍ക്ക് ഒരു വിവരവും ലഭിച്ചിട്ടില്ല. ആശുപത്രി സന്ദര്‍ശിക്കാന്‍ ഞങ്ങള്‍ക്ക് കഴിഞ്ഞിട്ടില്ല’, ശ്രീധരന്‍ പറഞ്ഞു.

ക​ർ​ക്കീ​വി​ലെ നാ​ഷ​ണ​ൽ മെ​ഡി​ക്ക​ൽ യൂ​ണി​വേ​ഴ്സി​റ്റി​യി​ലെ അ​വ​സാ​ന വ​ർ​ഷ​വി​ദ്യാ​ർ​ഥി​യാ​ണ് ന​വീ​ൻ. ക​ഴി​ഞ്ഞ ദി​വ​സം റ​ഷ്യ ത​ക​ർ​ത്ത സ​ർ​ക്കാ​ർ കെ​ട്ടി​ട​ത്തി​ന് സ​മീ​പ​മാ​യി​രു​ന്നു ന​വീ​ൻ താ​മ​സി​ച്ചി​രു​ന്ന​ത്.‌ ഗ​വ​ർ​ണ​റു​ടെ വീ​ടി​നു നേ​ർ​ക്കാ​ണ് ആ​ക്ര​മ​ണം ഉ​ണ്ടാ​യ​ത്. ഈ ​സ്ഫോ​ട​ന​ത്തി​ലാ​ണ് ന​വീ​ൻ കൊ​ല്ല​പ്പെ​ട്ട​ത്. യു​ക്രെ​യ്ൻ സ​മ​യം 10.30 ന് ​ആ​യി​രു​ന്നു ന​വീ​ൻ കൊ​ല്ല​പ്പെ​ട്ട​ത്.

ബ​ങ്ക​റു​ക​ളി​ൽ​നി​ന്നു പു​റ​ത്തി​റ​ങ്ങ​രു​തെ​ന്നു തു​ട​ർ​ച്ച​യാ​യ നി​ർ​ദേ​ശം യു​ക്രെ​യി​ൻ സേ​ന​യും ഇ​ന്ത്യ​ൻ എം​ബ​സി​യും വി​ദ്യാ​ർ​ഥി​ക​ൾ​ക്കു ന​ൽ​കി​യി​രു​ന്നു. എ​ന്നാ​ൽ, ഭ​ക്ഷ​ണ​വും വെ​ള്ള​വും തീ​ർ​ന്ന​തോ​ടെ പ​ല വി​ദ്യാ​ർ​ഥി​ക​ളും പു​റ​ത്തി​റ​ങ്ങാ​ൻ ശ്ര​മി​ക്കു​ക​യും മ​റ്റു സ്ഥ​ല​ങ്ങ​ളി​ലേ​ക്കു നീ​ങ്ങാ​ൻ ശ്ര​മി​ക്കു​ക​യു​മൊ​ക്കെ ചെ​യ്യു​ന്ന​താ​യു​ള്ള റി​പ്പോ​ർ​ട്ടു​ക​ളും പു​റ​ത്തു​വ​ന്നി​രു​ന്നു.