അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
അനൂപ് മേനോനെ (Anoop Menon) നായകനാക്കി നവാഗതനായ ബിബിൻ കൃഷ്‍ണ രചനയും സംവിധാനവും നിർവ്വഹിച്ചിരിക്കുന്ന 21 ഗ്രാംസ് (Twenty One Gms) എന്ന ചിത്രത്തിലെ വീഡിയോ ഗാനം അണിയറക്കാർ പുറത്തുവിട്ടു. വിജനമാം താഴ്വാരം എന്നാരംഭിക്കുന്ന ഗാനത്തിൻറെ വരികൾ വിനായക് ശശികുമാറിൻറേതാണ്. സംഗീതം പകർന്നിരിക്കുന്നത് ദീപക് ദേവ്. ഹരിശങ്കർ കെ എസ് ആണ് ആലപിച്ചിരിക്കുന്നത്.
ഇൻവെസ്റ്റിഗേഷൻ ത്രില്ലർ വിഭാഗത്തിൽ പെടുന്ന ചിത്രമാണിത്. ദ് ഫ്രണ്ട് റോ പ്രൊഡക്ഷൻസ് ആണ് നിർമ്മാണം. ക്രൈംബ്രാഞ്ച് ഡിവൈഎസ്‍പി നന്ദകിഷോർ എന്ന കഥാപാത്രത്തെയാണ് അനൂപ് മേനോൻ അവതരിപ്പിക്കുന്നത്. ചിത്രത്തിലെ അനൂപ് മേനോൻറെ ക്യാരക്ടർ പോസ്റ്റർ അണിയറക്കാർ നേരത്തെ പുറത്തുവിട്ടിരുന്നു.
അനൂപ് മേനോന് പുറമെ ലിയോണ ലിഷോയ്, രഞ്ജിത്ത്, രൺജി പണിക്കർ, ലെന, അനു മോഹൻ, മാനസ രാധാകൃഷ്ണൻ, നന്ദു, ശങ്കർ രാമകൃഷ്ണൻ, പ്രശാന്ത് അലക്സാണ്ടർ, ചന്തുനാഥ്, മറീന മൈക്കിൾ, വിവേക് അനിരുദ്ധ് തുടങ്ങിയവർ മറ്റു കഥാപാത്രങ്ങളെ അവതരിപ്പിക്കുന്നു. ‘ബ്രോ ഡാഡി’ എന്ന ചിത്രത്തിന് ശേഷം ദീപക് ദേവ് സംഗീതം പകരുന്ന ചിത്രംകൂടിയാണിത്. ഛായാഗ്രഹണം ജിത്തു ദാമോദർ, എഡിറ്റിംഗ് അപ്പു എൻ ഭട്ടതിരി, മാലിക് എന്ന ചിത്രത്തിലൂടെ ഈ വർഷത്തെ സംസ്ഥാന അവാർഡ് കരസ്ഥമാക്കിയ സന്തോഷ് രാമൻ ആണ് പ്രൊഡക്ഷൻ ഡിസൈനർ. വസ്ത്രാലങ്കാരം സുജിത്ത് മടന്നൂർ, മേക്കപ്പ് പ്രദീപ് രംഗൻ, പ്രൊജക്റ്റ് ഡിസൈനർ നോബിൾ ജേക്കബ്, പിആർഒ വാഴൂർ ജോസ്, ആതിര ദിൽജിത്ത്.
