റഷ്യ-യുക്രൈൻ ചർച്ചയ്ക്ക് വഴിയൊരുങ്ങുന്നു; ബെലാറസിൽ ചർച്ച നടക്കും; സ്ഥിരീകരിച്ച് യുക്രൈൻ

മോസ്കോ: റഷ്യ-യുക്രൈൻ യുദ്ധം ചർച്ചയിലൂടെ പരിഹരിക്കാനുള്ള ശ്രമങ്ങൾ വിജയത്തിലേക്കെന്ന് സൂചന. ബെലറൂസ്-യുക്രൈൻ അതിർത്തിയിൽ ചർച്ചയ്ക്ക് തയ്യാറാണെന്നാണ് യുക്രൈൻ പ്രസിഡന്റ് വ്‌ളാദിമിർ സെലൻസ്‌കി അറിയിച്ചിരിക്കുന്നത്. ആണവായുധം സജ്ജമാക്കാൻ റഷ്യൻ പ്രസിഡന്റ് വ്‌ളാദിമിർ പുടിന് നിർദേശിച്ചു എന്ന റഷ്യ ടുഡേയുടെ വാർത്ത വന്നതിനു തൊട്ടു പിന്നാലെയാണ് ചർച്ചയ്ക്ക് തയ്യാറാണെന്ന് യുക്രൈൻ പ്രസിഡന്റ് സെലൻസ്‌കി വ്യക്തമാക്കിയത്.

ബെലാറൂസിലേക്ക് ചർച്ചയ്ക്ക് വരുന്ന യുക്രൈൻ സംഘത്തിന് സുരക്ഷയൊരുക്കുമെന്നും റഷ്യ അറിയിച്ചതായി മാധ്യമങ്ങൾ റിപ്പോർട്ട് ചെയ്തു. റ​ഷ്യ​ൻ പ്ര​തി​നി​ധി സം​ഘം ച​ർ​ച്ച​യ്ക്കാ​യി ബ​ലാ​റൂ​സി​ൽ ത​യാ​റാ​ണ്. യു​ക്രെ​യ്ൻ പ്ര​തി​നി​ധി സം​ഘ​വും ബ​ലാ​റൂ​സി​ലേ​ക്ക് പു​റ​പ്പെ​ട്ട​താ​യാ​ണ് റി​പ്പോ​ർ​ട്ട്. ബെലാറൂസ് വഴി യുക്രൈൻ ആക്രമണം നേരിടുമ്പോൾ ചർച്ച സാധ്യമാകില്ലെന്നും മറ്റേതെങ്കിലും രാജ്യത്തു ചർച്ച നടത്തണമെന്നുമായിരുന്നു യുക്രൈന്റെ ആദ്യ നിലപാട്.

ഇ​തി​നി​ടെ റ​ഷ്യ​ക്കെ​തി​രെ അ​ന്താ​രാ​ഷ്ര നീ​തി​ന്യാ​യ കോ​ട​തി​യെ യു​ക്രെ​യ്ൻ സ​മീ​പി​ച്ചു. റ​ഷ്യ​യോ​ട് ഉ​ട​ൻ സൈ​നി​ക ന​ട​പ​ടി നി​ർ​ത്തി​വ​യ്ക്കാ​ൻ ആ​വ​ശ്യ​പ്പെ​ട​ണ​മെ​ന്ന് യു​ക്രെ​യ്ൻ ആ​വ​ശ്യ​പ്പെ​ട്ടു. സാ​ധാ​ര​ണ​ക്കാ​രെ കൊ​ന്നൊ​ടു​ക്കു​ന്ന​തി​ന് റ​ഷ്യ​യെ വി​ചാ​ര​ണ ചെ​യ്യ​ണ​മെ​ന്നും കോ​ട​തി​യോ​ട് യു​ക്രെ​യ്ൻ ആ​വ​ശ്യ​പ്പെ​ട്ടു.
    

അതേസമയം സാധാരണക്കാർക്ക് ആയുധം നൽകി സൈന്യത്തിൽ ചേർത്ത് റഷ്യൻ ആക്രമണത്തെ ചെറുക്കുകയാണ് യുക്രൈൻ. റഷ്യൻ അധിനിവേശം തടയാൻ യുക്രൈന് ആയുധ പിന്തുണ നൽകുമെന്ന് കൂടുതൽ രാജ്യങ്ങളറിയിച്ചു. യുക്രൈന് ആയുധങ്ങളെത്തിക്കുമെന്ന് ഓസ്ട്രേലിയ അറിയിച്ചു. നാറ്റോ സഖ്യകക്ഷികളിലൂടെ ആയുധങ്ങൾ ലഭ്യമാക്കുമെന്ന് ഓസ്ട്രേലിയൻ പ്രധാനമന്ത്രി സ്കോട്ട് മോറിസൺ വ്യക്തമാക്കി. ഓസ്ട്രേലിയൻ സർക്കാർ ശരിയുടെ പക്ഷത്ത് നിൽക്കുമെന്നും യുക്രൈനിൽ നിന്നുള്ള വിസ അപേക്ഷകൾ പെട്ടന്ന് പരിഗണിക്കുമെന്നും ഓസ്ട്രേലിയൻ പ്രധാനമന്ത്രി സ്കോട്ട് മോറിസൺ പറഞ്ഞു.