റഷ്യയുടെ ജെറ്റ് വിമാനം വെടിവെച്ചിട്ടതായി യുക്രൈൻ

കീവ്: ഒരു റഷ്യൻ വിമാനം കീവിലെ ഡാർനിറ്റ്‌സ്‌കി ജില്ലയിൽ വെടിവെച്ചിട്ടതായി യുക്രൈൻ ആഭ്യന്തര മന്ത്രാലയം അറിയിച്ചു. 7a കോഷിറ്റ്സിയ സ്ട്രീറ്റിലെ ഒരു വീടിന് സമീപമാണ് ജെറ്റ് തകർന്നതെന്ന് മന്ത്രാലയം ഉദ്യോഗസ്ഥൻ ആന്റൺ ഹെരാഷ്ചെങ്കോ പറയുന്നു. നേരത്തെ തലസ്ഥാനത്ത് രണ്ട് സ്ഫോടനങ്ങൾ നടന്നുവെന്ന സ്ഥിരീകരിക്കാത്ത റിപ്പോർട്ടുകളുടെ പിന്നാലെയാണ് യുക്രൈനിയൻ അവകാശവാദം.

അതേസമയം, റഷ്യ-യുക്രൈൻ യുദ്ധം രൂക്ഷമാകുന്ന  പശ്ചാത്തലത്തിൽ  ക​ടു​ത്ത ന​ട​പ​ടി​യു​മാ​യി ന്യൂ​സി​ല​ൻ​ഡും. റ​ഷ്യ​ൻ സ്ഥാ​ന​പ​തി​യെ രാ​ജ്യ​ത്ത് നി​ന്ന് പു​റ​ത്താ​ക്കു​ന്ന​ത് പ​രി​ഗ​ണി​ക്കു​ക​യാ​ണെ​ന്ന് ന്യൂ​സി​ല​ൻ​ഡ് പ്ര​ധാ​ന​മ​ന്ത്രി ജ​സീ​ന്ദ ആ​ർ​ഡ​ൻ പ​റ​ഞ്ഞു. റ​ഷ്യ​ൻ അ​ധി​കൃ​ത‌‌​ർ​ക്ക് ന്യൂ​സി​ല​ൻ​ഡ് യാ​ത്രാ നി​യ​ന്ത്ര​ണം ഏ‌​ർ​പ്പെ​ടു​ത്തി​യി​രു​ന്നു. റ​ഷ്യ​ൻ സൈ​ന്യ​ത്തി​നാ​യു​ള്ള ച​ര​ക്ക് ക​യ​റ്റു​മ​തി​യും നി​രോ​ധി​ച്ചു. റ​ഷ്യ​യു​മാ​യു​ള്ള എ​ല്ലാ ച‌‌​ർ​ച്ച​ക​ളും നി‌​ർ​ത്തി​വ​ച്ച​താ​യും ന്യൂ​സി​ല​ൻ​ഡ്. യുക്രൈൻ പ്ര​തി​സ​ന്ധി ച​ർ​ച്ച​യി​ലൂ​ടെ പ​രി​ഹ​രി​ക്ക​ണ​മെ​ന്ന് പ്ര​ധാ​ന​മ​ന്ത്രി ജ​സീ​ന്ദ ആ​ർ​ഡ​ൻ ആ​വ​ശ്യ​പ്പെ​ട്ടു.ന്യൂ​സി​ല​ൻ​ഡി​ൽ റ​ഷ്യ​ൻ സ്ഥാ​ന​പ​തി​യെ വി​ളി​ച്ചു​വ​രു​ത്തി സ​ർ​ക്കാ​ർ പ്ര​തി​ഷേ​ധം അ​റി​യി​ച്ചു.