ന​വാ​ബ് മാ​ലി​ക്കി​നെ മാർച്ച് മൂന്നുവരെ ഇ​ഡി ക​സ്റ്റ​ഡി​യി​ൽ വി​ട്ടു

മും​ബൈ: ക​ള്ള​പ്പ​ണ വെ​ളി​പ്പി​ക്ക​ൽ കേ​സി​ൽ അ​റ​സ്റ്റി​ലാ​യ മ​ഹാ​രാ​ഷ്‌​ട്ര ന്യൂ​ന​പ​ക്ഷ​കാ​ര്യ മ​ന്ത്രി​യും മു​തി​ർ​ന്ന എ​ൻ​സി​പി നേ​താ​വു​മാ​യ ന​വാ​ബ് മാ​ലി​ക്കി​നെ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റ് (ഇ​ഡി) ക​സ്റ്റ​ഡി​യി​ൽ വി​ട്ടു. മാ​ർ​ച്ച് മൂ​ന്ന് വ​രെ​യാ​ണ് മാ​ലി​ക്കി​നെ ക​സ്റ്റ​ഡി​യി​ൽ വി​ട്ടി​രി​ക്കു​ന്ന​ത്. ക​ള്ള​പ്പ​ണ​ക്കേ​സു​ക​ൾ കൈ​കാ​ര്യം ചെ​യ്യു​ന്ന പ്ര​ത്യേ​ക കോ​ട​തി​യു​ടെ​താ​ണ് ന​ട​പ​ടി.

വീട്ടിലെ ഭക്ഷണവും മരുന്നും അനുവദിക്കണമെന്ന നവാബ് മാലിക്കിന്റെ ഹർജി നാളെ പരിഗണിക്കും. ചോദ്യം ചെയ്യൽ അഭിഭാഷകന്റെ സാന്നിധ്യത്തിൽ വേണമെന്ന ആവശ്യം എതിർക്കില്ലെന്ന് ഇഡി അറിയിച്ചു.

അതേസമയം, നവാബ് മാലിക് രാജി വെക്കേണ്ടതില്ലെന്ന് മഹാ വികാസ് അഘാഡി മുന്നണി തീരുമാനിച്ചു. ഉദ്ധവ് താക്കറെയുടെ അധ്യക്ഷതയിൽ ചേർന്ന യോഗത്തിൽ മൂന്ന് രാഷ്ട്രീയ പാർട്ടികളും ഒരേ നിലപാടാണ് സ്വീകരിച്ചത്. 

ദാ​വൂ​ദ് ഇ​ബ്രാ​ഹി​മു​മാ​യി ബ​ന്ധ​പ്പെ​ട്ട അ​ധോ​ലോ​ക ക​ള്ള​പ്പ​ണ വെ​ളി​പ്പി​ക്ക​ൽ കേ​സി​ലാ​ണ് 62 കാ​ര​നാ​യ മ​ന്ത്രി​യെ ഇ​ഡി ചോ​ദ്യം ചെ​യ്ത​ത്.  ഇ​ന്ന് രാ​വി​ലെ ആ​റി​ന് ന​വാ​ബ് മാ​ലി​ക്കി​ന്‍റെ വീ​ട്ടി​ലെ​ത്തി​യ ഇ​ഡി സം​ഘം അ​ദ്ദേ​ഹ​ത്തെ ഒ​രു മ​ണി​ക്കൂ​റോ​ളം ചോ​ദ്യം ചെ​യ്തി​രു​ന്നു. പി​ന്നീ​ട് മാ​ലി​ക്കി​നെ ഇ​ഡി ഓ​ഫീ​സി​ലേ​ക്കു കൊ​ണ്ടു​പോ​യി. ഇ​വി​ടെ ന​ട​ത്തി​യ ചോ​ദ്യം ചെ​യ്യ​ലി​നു ശേ​ഷ​മാ​ണ് ഇ​ഡി അ​റ​സ്റ്റ് രേ​ഖ​പ്പെ​ടു​ത്തി​യ​ത്. ദിവസങ്ങൾക്ക് മുമ്പ് ഇതേ കേസിൽ ദാവൂദ് ഇബ്രാഹിമിന്റെ സഹോദരൻ ഇക്ബാൽ കസ്‌കറിനെ അറസ്റ്റ് ചെയ്തിരുന്നു.