അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അട്ടപ്പാടിയിൽ ആൾക്കൂട്ട ആക്രമണത്തിൽ കൊല്ലപ്പെട്ട മധുവിൻ്റെ ജീവിതം പ്രമേയമാകുന്ന സിനിമ ‘ആദിവാസി’യിലെ ഗാനം പുറത്തിറങ്ങി. ‘ചിന്ന രാജ’ എന്ന തുടങ്ങുന്ന ഗാനമാണ് പുറത്തുവിട്ടിരിക്കുന്നത്. ശരത് അപ്പാനിയാണ് ചിത്രത്തില്‍ മധുവായി അഭിനയിച്ചിരിക്കുന്നത്. വിജീഷ് മണിയാണ് ചിത്രം സംവിധാനം ചെയ്യുന്നത്.
ഒരു സങ്കട താരാട്ട് പോലെയാണ് ചിത്രത്തിലെ ഗാനം. രതീഷ് വേഗയാണ് ചിത്രത്തിൻ്റെ സംഗീത സംവിധായകൻ. ബി ലെനിനാണ് ചിത്രത്തിൻ്റെ ഛായാഗ്രാഹണം നിര്‍വഹിക്കുന്നത്. ഡോ. സോഹൻ റോയ്‍യാണ് ചിത്രം നിര്‍മിക്കുന്നത്. ഏരീസിൻ്റെ ബാനറിലാണ് ചിത്രത്തിൻ്റെ നിര്‍മാണം. പ്രൊഡക്ഷൻ ഹൗസ് അനശ്വര ചാരിറ്റബിൾ ട്രസ്റ്റാണ്. പ്രൊജക്റ്റ് ഡിസൈനർ ബാദുഷയാണ്.
അപ്പാനി ശരത്തിനോടൊപ്പം ചിത്രത്തില്‍ ചന്ദ്രൻ മാരി, വിയാൻ, മുരുകേഷ് ഭുതുവഴി, മുത്തുമണി, രാജേഷ് ബി , പ്രകാശ് വാടിക്കൽ, റോജി പി കുര്യൻ, വടികയമ്മ, ശ്രീകുട്ടി, അമൃത, മാസ്റ്റർ മണികണ്ഠൻ, ബേബി ദേവിക തുടിങ്ങിയവരാണ് അഭിയിച്ചിരിക്കുന്നത്. വിജീഷ് മണിയുടേതാണ് ചിത്രത്തിൻ്റെ തിരക്കഥയും. പി മുരുകേശാണ് ചിത്രത്തിൻ്റെ ഛായാഗ്രാഹണം നിര്‍വഹിക്കുന്നത്.
സൗണ്ട് ഡിസൈൻ: ഗണേഷ് മാരാർ, സംഭാഷണം- ഗാനരചന: ചന്ദ്രൻ മാരി, ലൈൻ പ്രൊഡ്യൂസർ : വിയാൻ, ആർട്ട്‌ : കൈലാഷ്, മേക്കപ്പ് :ശ്രീജിത്ത്‌ ഗുരുവായൂർ, കോസ്റ്റും : ബിസി ബേബി ജോൺ, സ്റ്റിൽസ്: രാമദാസ് മാത്തൂർ, മീഡിയ പ്ലാനിങ് & മാർക്കറ്റിങ് ഡിസൈനിങ്: പി.ശിവപ്രസാദ്. മധുവിൻ്റെ നാലാം ചരമവാർഷികദിനത്തിൽ പുറത്തുവിട്ട ഗാനം വലിയ രീതിയിലാണ് സ്വീകരിക്കപ്പെടുന്നത്.
