വാ​ഹ​ന​ങ്ങ​ളി​ൽ ചീ​റി​പ്പാ​യു​ന്ന​വ​രെ ക​ണ്ടെ​ത്താ​ൻ മോ​ട്ടോ​ർ വാ​ഹ​ന വ​കു​പ്പ്​ രം​ഗ​ത്തി​റ​ങ്ങി​യ​പ്പോ​ൾ പി​ടി​കൂ​ടി​യ​ത്​ 421 കേ​സു​ക​ൾ

തൊ​ടു​പു​ഴ: കാ​ത​ട​പ്പി​ക്കു​ന്ന ശ​ബ്ദ​ത്തോ​ടെ വാ​ഹ​ന​ങ്ങ​ളി​ൽ ചീ​റി​പ്പാ​യു​ന്ന​വ​രെ ക​ണ്ടെ​ത്താ​ൻ മോ​ട്ടോ​ർ വാ​ഹ​ന വ​കു​പ്പ്​ രം​ഗ​ത്തി​റ​ങ്ങി​യ​പ്പോ​ൾ പി​ടി​കൂ​ടി​യ​ത്​ 421 കേ​സു​ക​ൾ. ഇ​വ​രി​ൽ​നി​ന്ന്​ 10,74,750 പി​ഴ ചു​മ​ത്തി. മോ​ട്ടോ​ർ വാ​ഹ​ന വ​കു​പ്പും എ​ൻ​ഫോ​ഴ്​​സ്​​മെ​ൻറ്​ വി​ഭാ​ഗ​വും അ​ഞ്ചു​ദി​വ​സ​ത്തി​നി​ടെ ന​ട​ത്തി​യ പ​രി​ശോ​ധ​ന​യി​ലാ​ണ്​ ഇ​ത്ര​യ​ധി​കം കേ​സു​ക​ൾ പി​ടി​കൂ​ടി​യ​ത്.

വാ​ഹ​ന​ങ്ങ​ളി​ലെ സൈ​ല​ൻസ​റി​ൽ മാ​റ്റം വ​രു​ത്തി അ​മി​ത ശ​ബ്ദ​മു​ണ്ടാ​ക്കു​ന്ന വാ​ഹ​ന​ങ്ങ​ൾ പി​ടി​കൂ​ടാ​ൻ ഓ​പ​റേ​ഷ​ൻ സൈ​ല​ൻസ് എ​ന്ന പേ​രി​ൽ ഫെ​ബ്രു​വ​രി 14 മു​ത​ൽ 18 വ​രെ പ്ര​ത്യേ​ക പ​രി​ശോ​ധ​ന​യു​മാ​യി മോ​ട്ടോ​ർ വാ​ഹ​ന വ​കു​പ്പും എ​ൻ​ഫോ​ഴ്​​സ്​​മെ​ൻറും രം​ഗ​ത്തു​ണ്ടാ​യി​രു​ന്നു. ട്രാ​ൻസ്‌​പോ​ർട്ട് ക​മീ​ഷ​ണ​റു​ടെ നി​ർ​ദേ​ശ​ത്തെ തു​ട​ർ​ന്നാ​യി​രു​ന്നു പ​രി​ശോ​ധ​ന.

ബു​ള്ള​റ്റു​ക​ളി​ലും മ​റ്റും സൈ​ല​ൻസ​റി​ൽ ഭേ​ദ​ഗ​തി​വ​രു​ത്തി ജ​ന​ങ്ങ​ൾക്ക് അ​രോ​ച​ക​മാ​കു​ന്ന വി​ധ​ത്തി​ൽ അ​മി​ത ശ​ബ്ദ​ത്തി​ൽ യു​വാ​ക്ക​ൾ ന​ട​ത്തു​ന്ന അ​ഭ്യാ​സ പ്ര​ക​ട​ന​ങ്ങ​ൾ​ക്കെ​തി​രെ പ​രാ​തി ശ​ക്ത​മാ​യ സാ​ഹ​ച​ര്യ​ത്തി​ലാ​ണ് മോ​ട്ടോ​ർ വാ​ഹ​ന വ​കു​പ്പ് ന​ട​പ​ടി​യു​മാ​യി രം​ഗ​ത്തി​റ​ങ്ങി​യ​ത്. ഇ​ടു​ക്കി ആ​ർ.​ടി.​​ഒ​യു​ടെ നേ​തൃ​ത്വ​ത്തി​ൽ ന​ട​ന്ന പ​രി​ശോ​ധ​ന​യി​ൽ 351 കേ​സു​ക​ളി​ൽ​നി​ന്ന്​ 8,27,750 രൂ​പ പി​ഴ ചു​മ​ത്തി​യ​പ്പോ​ൾ എ​ൻ​ഫോ​ഴ്​​സ്​ മെ​ൻറി​ൻറെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ 70 കേ​സു​ക​ളി​ൽ​നി​ന്ന്​ 2,47,000 രൂ​പ പി​ഴ ഇ​ട്ടു. മോ​ട്ടോ​ർ വാ​ഹ​ന വ​കു​പ്പ് എ​ൻഫോ​ഴ്സ്​​മെ​ൻറ്​ സ്‌​ക്വാ​ഡി​ൻറെ നേ​തൃ​ത്വ​ത്തി​ൽ വി​വി​ധ മേ​ഖ​ല​ക​ളി​ലാ​യി ആ​റു​സം​ഘ​ങ്ങ​ളാ​ണ് പ​രി​ശോ​ധ​ന ന​ട​ത്തി​യ​ത്.