അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നടന്‍ ഹരീഷ് പേരടി നായകനാകുന്ന ‘മധുര കണക്ക്’ എന്ന ചിത്രത്തിന്‍റെ ഫസ്റ്റ് ലുക്ക് പോസ്റ്റർ പങ്കിട്ട് മമ്മൂട്ടി. അദ്ദേഹത്തിൻ്റെ ഫെയ്സ്ബുക്ക് പേജിലൂടെയാണ് സിനിമയുടെ പേര് പ്രഖ്യാപിച്ചത്. രാധേശ്യാമാണ് ചിത്രം സംവിധാനം ചെയ്യുന്നത്. ഇന്ദ്രന്‍സ്, ഹരീഷ് കണാരന്‍, സെന്തില്‍, നിഷ സാരംഗി എന്നിവരും ചിത്രത്തിലുണ്ട്. ഈ മാസം 20ന് ചിത്രത്തിന്‍റെ ഷൂട്ടിങ് ആരംഭിക്കും. എന്‍ എം മൂവീസിൻ്റെ ബാനറില്‍ നസീര്‍ എം എ ആണ് ചിത്രം നിര്‍മിക്കുന്നത്. ഹരീഷ് പേരടിയുടെ സുഹൃത്ത് എ ശാന്തകുമാര്‍ മരിക്കുന്നതിന് മുമ്പ് എഴുതി പൂര്‍ത്തിയാക്കിയ തിരക്കഥയാണ് ‘മധുര കണക്ക്’.
‘നാടകകാലത്ത് തുടങ്ങിയ സൗഹൃദമാണ് എനിക്ക് ശാന്തനുമായിട്ടുള്ളത്. കഴിഞ്ഞ ജൂലൈയിലായിരുന്നു ശാന്തനെ മരണം കവര്‍ന്നു കൊണ്ടുപോയത്. രക്താര്‍ബ്ബുദ ബാധിതനായിരുന്നു. അതിനിടെ കോവിഡും പിടികൂടി. ശാന്തൻ്റെ അകാല വിയോഗത്തിന് അത് വഴിവച്ചു. അതിനുമുമ്പ് അവന്‍ എനിക്ക് എഴുതി നല്‍കിയ തിരക്കഥയാണ് മധുര കണക്ക്.
നിരവധി നാടകങ്ങളെഴുതി സംവിധാനം ചെയ്തിട്ടുണ്ടെങ്കിലും ശാന്തന്‍ സിനിമയ്ക്കുവേണ്ടി തിരക്കഥ എഴുതുന്നത് ഇത് രണ്ടാംതവണയാണ്. ആദ്യചിത്രം ഭൂമിയിലെ മനോഹര സ്വകാര്യമായിരുന്നു. മികച്ച സ്വഭാവനടനടക്കം സംസ്ഥാന സര്‍ക്കാരിൻ്റെ പുരസ്‌കാരങ്ങള്‍ വാരിക്കൂട്ടിയ ചിത്രമാണ്. അതിനുശേഷമാണ് ശാന്തന്‍ മധുര കണക്ക് എഴുതുന്നത്. ഒരു റിട്ട: കണക്ക് അദ്ധ്യാപകൻ്റെ ജീവിതം പറയുന്ന സിനിമയാണ്. ശാന്തന്‍ സൃഷ്ടിച്ച കഥാപാത്രങ്ങള്‍ ജീവന്‍ വയ്ക്കാന്‍ പോകുന്നതിൻ്റെ സന്തോഷത്തിലാണ്’- ഹരീഷ് പേരടി പറഞ്ഞു.
https://www.facebook.com/plugins/post.php?href=https%3A%2F%2Fwww.facebook.com%2FMammootty%2Fposts%2F506158387540834&show_text=true&width=500
