അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
അബുദാബി: വെള്ളിയാഴ്‍ച രാവിലെ യുഎഇയുടെ (UAE) വിവിധ പ്രദേശങ്ങളിൽ കനത്ത മൂടൽ മഞ്ഞ് (Fod). വാഹനം ഓടിക്കുന്നവർ അതീവ ജാഗ്രത പുലർത്തണമെന്ന് ദേശീയ കാലാവസ്ഥാ നിരീക്ഷണ കേന്ദ്രം (National Centre of Meteorology) അറിയിച്ചു. രാജ്യത്തിന്റെ ഉൾ പ്രദേശങ്ങളിൽ ദൂരക്കാഴ്‍ച (horizontal visibility) കൂടുതൽ തടസപ്പെടാൻ സാധ്യതയുണ്ടെന്നും അറിയിച്ചിട്ടുണ്ട്.
മൂടൽമഞ്ഞ് രൂപപ്പെട്ട സ്ഥലങ്ങളിൽ ദേശീയ കാലാവസ്ഥാ നിരീക്ഷണ കേന്ദ്രം റെഡ് അലെർട്ട് പ്രഖ്യാപിച്ചിരിക്കുകയാണ്. വാഹനങ്ങൾ ഓടിക്കുന്നവർ റോഡുകളിൽ അതീവ ജാഗ്രത പുലർത്തണമെന്നും എല്ലാ ഗതാഗത നിയമങ്ങളും കർശനമായി പാലിക്കണമെന്നും അബുദാബി പൊലീസ് സാമൂഹിക മാധ്യമങ്ങളിലൂടെ ആവശ്യപ്പെട്ടു. മൂടൽ മഞ്ഞ് ഉള്ള സമയങ്ങളിൽ റോഡുകളിലെ ഇലക്ട്രോണിക് ഇൻഫർമേഷൻ ബോർഡുകളിൽ പ്രദർശിപ്പിക്കുന്ന വേഗപരിധിയാണ് പാലിക്കേണ്ടത്. അബുദാബിയിലെയും അൽ ഐനിലെയും രണ്ട് പ്രധാന റോഡുകളിൽ പരമാവധി വേഗത മണിക്കൂറിൽ എൺപത് കിലോമീറ്ററായി പരിമിതപ്പെടുത്തിയിട്ടുണ്ട്.
