അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ദോഹ : തൊഴിലാളികളെ റിക്രൂട്ട്ചെയ്യുന്നതിന്റെ നിയമവശങ്ങളിൽ വീഴ്ചകൾ വരുത്തിയ റിക്രൂട്ട്മെന്റ്സ്ഥാപനങ്ങൾ അടച്ചുപൂട്ടിയതായി തൊഴിൽ മന്ത്രാലയം അറിയിച്ചു. രാജ്യത്തിന്റെ വിവിധ ഭാഗങ്ങളിൽ നിന്നുള്ള 12 തൊഴിൽ റിക്രൂട്ട്മെന്റ് ഓഫീസുകളാണ് അടച്ചുപൂട്ടിയത്. ഇവയുടെ ലൈസൻസ് റദ്ദാക്കുകയും ചെയ്തു.
ഗാർഹിക തൊഴിലാളികളുടെ റിക്രൂട്ട്മെന്റിനുള്ള പരമാവധി തുക, തൊഴിലാളികളുടെ ഗ്യാരന്റി നീട്ടാനുള്ള തീരുമാനം നടപ്പിലാക്കുന്നതുമായി ബന്ധപ്പെട്ട കാര്യങ്ങൾ എന്നിവയിൽ സംശയങ്ങൾ ഉള്ളവർ ഔദ്യോഗിക ഇമെയിൽ മുഖേനയോ, 40288101 എന്ന ഹോട്ട് ലൈൻ നമ്പറിലൂടെയോ സംശയനിവാരണം നടത്തണമെന്നും തൊഴിൽ മന്ത്രാലയം അറിയിച്ചു. നിയമലംഘനങ്ങൾ ശ്രദ്ധയിൽ പെട്ടാൽ ഉടനടി അറിയിക്കാനും മന്ത്രാലയം നിർദേശിച്ചു.
