അ​രു​വി​ക്ക​ര ഡാ​മി​ൻറെ സം​ഭ​ര​ണ​ശേ​ഷി വ​ർ​ധി​പ്പി​ക്കാ​നും ജ​ല​സ്രോ​ത​സ്സ്​ സം​ര​ക്ഷി​ക്കു​ന്ന​തി​നു​മു​ള്ള പ​ദ്ധ​തി​ക​ൾ പ്ര​ഖ്യാ​പ​ന​ങ്ങ​ളി​ലൊ​തു​ങ്ങു​ന്നു

നെ​ടു​മ​ങ്ങാ​ട്: ത​ല​സ്ഥാ​ന ന​ഗ​രി​ക്കും സ​മീ​പ​പ​ഞ്ചാ​യ​ത്തു​ക​ൾ​ക്കും കു​ടി​വെ​ള്ള​മെ​ത്തി​ക്കു​ന്ന അ​രു​വി​ക്ക​ര ഡാ​മി​ൻറെ സം​ഭ​ര​ണ​ശേ​ഷി വ​ർ​ധി​പ്പി​ക്കാ​നും ജ​ല​സ്രോ​ത​സ്സ്​ സം​ര​ക്ഷി​ക്കു​ന്ന​തി​നു​മു​ള്ള പ​ദ്ധ​തി​ക​ൾ പ്ര​ഖ്യാ​പ​ന​ങ്ങ​ളി​ലൊ​തു​ങ്ങു​ന്നു. ഡാം ​റി​സ​ർ​വോ​യ​റി​ൻറെ സം​ഭ​ര​ണ ശേ​ഷി​യു​ടെ 50 ശ​ത​മാ​ന​വും മ​ണ​ലും ച​ളി​യും മാ​ലി​ന്യ​വു​മാ​ണെ​ന്നാ​ണ് റി​പ്പോ​ർ​ട്ട്.

ര​ണ്ടു ല​ക്ഷം ക്യു​ബി​ക് മീ​റ്റ​റാ​ണ്​ ഡാ​മി​ൻറെ സം​ഭ​ര​ണ ശേ​ഷി. 48 ഹെ​ക്ട​ർ വി​സ്തൃ​തി​യു​ള്ള റി​സ​ർ​വോ​യ​റി​ൽ എ​ട്ട് മീ​റ്റ​ർ ആ​ഴ​ത്തി​ൽ വെ​ള്ളം സം​ഭ​രി​ക്കാം. എ​ന്നാ​ൽ, ഇ​പ്പോ​ഴു​ള്ള ജ​ലം നാ​ലു മീ​റ്റ​റി​ൽ താ​ഴെ​യാ​ണ്.

അ​ഞ്ചു ദി​വ​സ​ത്തേ​ക്കാ​വ​ശ്യ​മാ​യ വെ​ള്ളം സം​ഭ​രി​ക്കാ​നേ ക​ഴി​യു​ന്നു​ള്ളൂ. കൂ​ടാ​തെ, മ​ഴ ക​ന​ത്താ​ൽ ഡാം ​തു​റ​ന്നു​വി​ടേ​ണ്ടി​യും​വ​രു​ന്നു. അ​ടി​ക്ക​ടി ഡാം ​തു​റ​ക്കു​ന്ന​ത് ക​ര​മ​ന​യാ​റി​ൻറെ​യും കി​ള്ളി​യാ​റി​ൻറെ​യും ക​ര​ക​ളി​ൽ താ​മ​സി​ക്കു​ന്ന​വ​രെ ബു​ദ്ധി​മു​ട്ടി​ക്കു​ക​യും ന​ഗ​ര​ത്തി​ൽ വെ​ള്ള​പ്പൊ​ക്ക​ത്തി​ന്​ കാ​ര​ണ​മാ​കു​ക​യും ചെ​യ്യു​ന്നു. വ​ര​ൾ​ച്ച​യു​ള്ള സ​മ​യ​ത്ത്​ മാ​ത്ര​മാ​ണ് അ​ധി​കാ​രി​ക​ൾ ഡാം ​സം​ര​ക്ഷ​ണ​ത്തെ​കു​റി​ച്ച് സം​സാ​രി​ക്കു​ന്ന​തും പ​ദ്ധ​തി​ക​ൾ പ്ര​ഖ്യാ​പി​ക്കു​ന്ന​തും.

വ​ര​ൾ​ച്ച മാ​റി മ​ഴ​ക്കാ​ല​മാ​കു​ന്ന​തോ​ടെ പ​ദ്ധ​തി​ക​ൾ പ​ഴ​ങ്ക​ഥ​യാ​കും. ഡാ​മി​ൻറെ ഏ​റി​യ ഭാ​ഗ​വും ഏ​ക്ക​ലും മ​ണ​ലും അ​ടി​ഞ്ഞ്​ ക​ര​ഭൂ​മി​യാ​യി. തു​രു​ത്തു​ക​ൾ രൂ​പ​പ്പെ​ട്ട് കോ​ര​പ്പു​ല്ലു​ക​ൾ വ​ള​ർ​ന്നു. പാ​യ​ലും കു​ള​വാ​ഴ​യും നി​റ​ഞ്ഞ റി​സ​ർ​വോ​യ​റി​ൽ ജൈ​വ-​അ​ജൈ​വ മാ​ലി​ന്യ​ങ്ങ​ളു​മു​ണ്ട്.